Mithumo 9:31 - Bhiblia Yo Sawuleka

³¹ Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Mithumo 9:31 Referans Kwoze

Masalmo 111:10

Wuzivi wa ditshuri ngu kuthava Txizimu; avale va txi khozelako va na ni mapimo. Txi na dhumiswe Txizimu kala kupinduka!

Isaya 33:6

Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava Mkoma yi na va i di thomba yanu.

Mavingu 23:17

Mbilu yako yi nga bavele vaonhi; kukhata ninga txithavo ka Mkoma, otshe masiku.

Masalmo 86:11

Ni gondise, Mkoma, nzila yako, kasiku ni yi londisa ngu yotshe mbilu. Maha ti to mbilu yangu yi dhumisa ditina dako.

Varoma 5:5

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.

Mavingu 1:7

Kuthava Mkoma, ngona makhato a wuzivi; siphukuphuku sa txhipisa wutxhari ni gondo.

Varoma 15:13

Txizimu txa txithembo txi na mi tate ngu litsako lotshe ni kudikha amu ka likholo lanu, kasiku ngu mtamo wa Moya wo Sawuleka txithembo txanu txi tala txi thekelela.

Mithumo 8:1

Ka donedo ditshiku, ku to tumbuluka livengo la tshofu ya kuxanisa dibanza da Jerusalema: Votshe, hahanze ka Vapostoli, va to hangalaka ka matiko a Judheya ni Samariya.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Nehemiya 5:9

Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?

Vaefesu 4:12

kasi kuvhuna vasawuleki, ti to ve sikota kuthumela vamwani, ve aka mmidi wa Kristu,

2 Vakorinto 13:10

Ni mi bhalela timhaka tiya ni di kule, kufela ku, mbimo yi ni no hoka kheyo, ni si ta thumisa tshofu, madingano ni mtamo wu ni nga ningwa ngu Mkoma, kasi kuaka i si nga kukhundumusa.

2 Vakorinto 10:8

Hambi idiku no ti dhumisa ka kudotho ngu mhaka ya mtamo wu ni nga ningwa ngu Mkoma, kasiku ni txi mi aka, i si nga ku mi hasamula, na mi si wiswi tingana.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Mithumo 16:5

Ngu konaho, mabanza ma ti tsaniswa amu ka likholo, me anda ditshiku ni ditshiku.

Mithumo 12:24

Kambe dipswi da Mkoma di ti anda di hangalaka ngutu.

Mithumo 6:7

Ti di ngeto, Dipswi da Txizimu di to khata kuanda, se mtengo wa vagondiswa wu to engeteleka ngu kutsakisa ditikoni ka Jerusalema; se dibutho do tala da vaphaxeli ve kholwa.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Judha 1:20

Aniko anu, vorandeka, kulani amu ka likholo lanu lo sawuleka ngutu, khongelani mi di ti tshanganisile ni Moya wo Sawuleka,

Vahebheru 4:9

Hambi keto, kuhumula ku ngadi ho ku, ku nga siyelwa vathu va Txizimu.

1 Timoti 1:4

va si heti mbimo ngu tikaringane ni kulondetela sibongo so mbi guma, asi si vangako kukanetisana, akuwa ku si vhuniko mthumo wa kuranda ka Txizimu, wu tsimbitiswako ngu kukholwa.

1 Vatesalonika 5:11

Ngu toneto, thavelelanani mi txi akisana, nga tona ti mi mahisako tona ni konkuwa.

Vakolosa 1:10

ti to mi txi tsimbila ngu tifanelo ti ti lavekako masoni ka Mkoma, mi txi mtsakisa ka totshe timhaka, mi txi veka mihando ngu kuthuma mithumo ya yinene, mi txi kula amu ka kuziva Txizimu,

Vafilipiya 2:1

Ngu toneto, ngako ku diho kuthavelelana ngu ka Kristu, ni kumalatelana ngu lirando, ni mpatano wa Moya, ngako ku diho wuxinji ni kuxanisekelana,

Vaefesu 5:21

Xoniphanani ngu txithavo ka Kristu.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Vaefesu 4:16

Ngu mtamo wakwe, sotshe sihango sa mmidi si ñolani ni kutsaniswa ta tinene ngu misiha yi yi nga vekwa ka sona. Ngu konaho, ngako txihango txihi ni txihi txi txi maha mthumo wa txona ngu fanelo, mmidi wotshe wa kula, wu txi ti aka ngu lirando.

2 Vakorinto 12:19

Ina kale ni kale mi pimisa ti to ho lava kutitshurisa masoni kwanu kani? Hi nga tona. Hi womba-womba masoni ka Txizimu ngu ka Kristu, Totshe tiya, vo randeka ngutu, ti mahelwa kasi ku hi txi mi vhuna.

1 Vakorinto 14:26

Ti di ngeto, ku nga mahwa to txani kani, vanathu kani? Mbimo yi mi sengeletanako, mmwani ni mmwani kwanu a nga sikota kuthula ndando, mmwani a nga sikota kuwomba dipswi do gondisa, mwendo dipswi di a nga kombiswa ngu Txizimu, mwendo kuwomba mapswi okari ngu lidimi lo hambana, mwendo txiningo txo txhamusela ti ti wombwako ngu timwani tidimi; kambe totshe tiya ti na mahelwe kufela kuaka msengeletano.

1 Vakorinto 14:12

Ngu toneto, ngako mi navelako kumana sihiwa sa Moya, khutalani kasiku mi txi si mana ngu kutalelwa ka sona, ti to mi aka dibanza.

Varoma 14:19

Ngu konaho, he xoteni kumaha ati ti vangako kudikha ni ti ti hi akako amu ka likholo.

Varoma 14:17

Nguko Mfumo wa Txizimu hi nga kudya ni kusela; aniko ngu kululama, ni kudikha, ni kutsaka ngu ka Moya wo Sawuleka.

Zakariya 8:20

A womba tiya Mkoma wa Mabutho a Tiyimbi: Kambe ku na maheka taku, ku txi ta vathu, ni vale va zumbako ka madhoropa amangi;

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Masalmo 94:13

kasi ku u mninga kuhumula amu ka masiku o biha, kala kuza di kelwa diphala da kutshotsha m'ubiha.

1 Makronika 22:18

Ina Mkoma Txizimu txanu kha nga ni nanu, niku kha mi ninga kuhumula ka otshe madhawa kani? Nguko a ningete manzani kwangu vazumbi va ditiko; se ditiko di hahatshi ka Mkoma ni ka vathu vakwe.

1 Makronika 22:9

Wona taku, mwanana wule a no velekwa, a na va wamwamna wo thutha; nguko ni na mninga kudikha ka votshe valala vakwe ka madhawa otshe; ngu kumaha keto, ditina dakwe i nava Solomoni, se kudikha ni kuhumula ni na ninga Israyeli ka otshe masiku akwe.

Valamuli 3:30

A khozisisilwe eto Mowabhi kedo ditshiku, hahatshi ka dianza da Israyeli; se ditiko di to dikha mndani ka mtxhanu wa magumi ni magumi mararu a malembe.

Joxuwa 21:44

Mkoma a va ningile kuhumula ka otshe madhawa, madingano ni ti a nga xambanya tona ka vatate vawe; kha ka maneka ni wammweyo wa valala vawe, a nga tsana a txi ema masoni kwawe. Mkoma a to ningela votshe valala manzani kwawe.

Dhewuteronome 12:10

Aniko mi na txhatuka Jordhani mi txi ya aka ka ditiko dile, Mkoma, Txizimu txanu, a no mi ninga di txi maha thomba yanu; ene a na ya mi vhikela ka votshe valala vanu, vale va mi randelako, kasi ku mi txi zumba ngu kudikha ni kutsana.

Mithumo 2:47

Va txi dhumisa Txizimu, na va txi thembeka ka votshe vathu. Se ditshiku ni ditshiku, Mkoma a ti ti engetela mtengo wa vale va nga txi wulela nzilani ka kuhanyiswa.

Mithumo 5:11

Se dibanza dotshe di to tala ngu kuthava ngutu, ni votshe vathu va va nga wona mhaka yiya.

Mithumo 20:32

“Se konkuwa na mi ningela manzani ka Txizimu ni ka dipswi da kateko ya txona, txi ku ni mtamo wa kuaka ni wa ku mi ninga thomba hagari ka votshe va va nga sawulekiswa.