Mithumo 9:27 - Bhiblia Yo Sawuleka

²⁷ Sekoko Bharnabhasi a to mteka a txi mu heleketa ka Vapostoli, a txi ya va txhamusela ati ene a nga wonisa tona Mkoma ha nzila, ni tiya Mkoma a nga wombawombisa tona nayo, ni tiya kambe a nga txhumayelisa tona ditikoni ka Dhamasku ngu mtamo wa kuthemba ditina da Jesu.

Mithumo 9:27 Referans Kwoze

Mithumo 4:36

Sekoko Josefa, awu vapostoli va nga txi m'dhana ku i Bharnabhasi, ti ti wombako ku mwanana wu i ku Mthaveleli, Mulevhi wa kuvelekelwa Kipra,

Mithumo 4:29

Se konkuwa, Mkoma, wona kudhukisa kwawe, u txi ninga sithumi sako kuwomba dipswi dako, na va si thavi txilo.

Mithumo 4:13

Sekoko ku ti ngako va txi wona kutsana ka Pedro ni Johani, kuve va ti va ziva ti to mbathu va va nga mbi gonda ni ti to vo va i di vathu dwe, va to tala ngu kuxamala; kambe va ti va ziva ti to mbalondeteli va Jesu.

Vagalatiya 2:13

Vamwani Vajudha va to wulelelwa ngu wukanganyisi wakwe, ahawa koza Bharnabhasi nene e ndindwa ngu wona wukanganyisiwo.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

1 Vakorinto 15:8

Se ngu magwito ka totshe, a ti wonekisile kwangu, ni ku mwanana wa tshole, a nga velekiswa kuhawulwa.

1 Vakorinto 9:6

Mwendo ngani nokha ni Bharnabhasi hi ku si nga ni fanelo yo thuma, kani?

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.

Mithumo 13:2

Ka ditshiku dokari, ngako va txi khozela ka Mkoma, na va txi ti tona sakudya, Moya wo Sawuleka wu to womba wu txi kha wona: “Ni sawuleleni Bharnabhasi ni Sawule, kasiku ni va ninga mthumo wu ni nga va dhanela wona.”

Mithumo 12:25

Se Bharnabhasi ni Sawule, ngako va di hetile mthumo wawe, va to khukha Jerusalema, na va di ni Johani, awu a dhanwako ku i Marku.

Mithumo 11:25

Bharnabhasi a to tsula Tarso, a txi yela Sawule.

Mithumo 11:22

Timhaketo, ngako ti di hokile tinzeveni ka Dibanza da Jerusalema, va to ruma Bharnabhasi e tsula Antiyokiya.

Mithumo 9:17

Ananiya a to tsula eya wulela nyumbani e msanzeka manza, a txi khene: “Sawule, mwanathu, Mkoma Jesu wu a nga ti wonekisa kwako hanzila, yona yi u nga ta ngu yona, ngene a nga ni ruma kasiku u tshumela u txi wona, u tala ngu Moya wo Sawuleka.”

Mithumo 9:29

a ti womba-womba a txi xamulana kambe ni Vajudha va kuwombawomba Txigriki, aniko avava va ti langana makungo a ku m'daya.