Mithumo 9:22 - Bhiblia Yo Sawuleka

²² Aniko Sawule a ti engetelwa mtamo e vhala sisofu sa Vajudha va Dhamasku ngu ku va kombisa ti to Jesu kunene ngene Mesiya.

Mithumo 9:22 Referans Kwoze

Mithumo 18:5

Mbimo yi Silasi ni Timoti va nga ta ngu Makedhoniya, Paulo a to ti ningetela kugondisani ka dipswi dwe, e tsanisa masoni ka Vajudha ti to Mesiya ngene Jesu.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Isaya 40:29

A ninga mtamo ka wule a nga karala, kambe engetela mtamo ka wule asi ngako ni mtamo ni wa wudotho.

1 Vakorinto 1:27

Aniko atxile vathu va txi wonako i di txipumbu, Txizimu txi txi sawute kasi kuthela mphume vazivi; atxile i ku txa ku ambi banga ha ditikoni, Txizimu txi txi sawute kasi kuwisa tingana awule a ku ni mtamo.

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Mithumo 17:3

A ti va txhamusela ni ku va kombisa ti to Mesiya a ti fanete kuxaniseka ni kuwuka ka vakufa; se a txi khene: “Jesu wu ni mi zivisako, ngene Mesiya.”

Masalmo 84:7

Vona va tsimbila na mtamo wu txi engetelwa ditshiku ni ditshiku kala veya ti kombisa Siyoni masoni ka Txizimu.

Jobe 17:9

Se awule wo lulama a na londisa nzila yakwe a di tsani, ni wu wa manza o sawuleka, mtamo wakwe wu na engetelwa.

Genesisi 49:24

Aniko wulaho wakwe wu zumbile wu di tsani, ni misiha ya mawoko akwe yi tsanisilwe, ngu manza a Ndena ya Jakobe (eho i ku M'dyisi ni Dirigwi da Israyeli.)

Masalmo 51:13

Sekoko ni gondisa tinzila tako ka vaonhi se vaonhi va na tshumelelela kwako.

Mithumo 9:20

Se Sawule kunukunuko, a to khata kugondisa ta Jesu masinagogani, e huwelela ti to ngene Mwanana wa Txizimu.

Mithumo 9:21

Se votshe va va nga ti mu engisa, va to xamala ngutu, va txi kha vona: “Ina hi nga ene wu a nga ti ti xanisa, ani Jerusalema, avale va nga ti ti dhumisa ditina diya kani? Ina ene kha tela ku ta va teka, va di sungilwe, e va yisa ka vaphaxeli va hombe kani?”

Mithumo 9:23

Ku di pindile masiku amangi, Vajudha va to sunga txikungo txa ku m'daya.

Mithumo 9:27

Sekoko Bharnabhasi a to mteka a txi mu heleketa ka Vapostoli, a txi ya va txhamusela ati ene a nga wonisa tona Mkoma ha nzila, ni tiya Mkoma a nga wombawombisa tona nayo, ni tiya kambe a nga txhumayelisa tona ditikoni ka Dhamasku ngu mtamo wa kuthemba ditina da Jesu.

Vagalatiya 1:18

Msana keto, ma di pindile malembe mararu, ni to kwela ni ya Jerusalema, kasi kuya wonana ni Khefasi, awu ni nga ya fungala nayo digumi da masiku ni mtxhanu.

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,