Mithumo 9:18 - Bhiblia Yo Sawuleka

¹⁸ Konako marongo ma to moroka ngu khoheni kwakwe, se e tshumela e wona.

Mithumo 9:18 Referans Kwoze

2 Vakorinto 3:14

Aniko, mapimo awe ma to thelwa mphume. Hambi ni nyamsi, mbimo yi va gondako dibhuku da Txitumelelano txa kale, nguwoyo ya txitsivelo yi ngadi zumbile; yona yi thaviswa ngu Kristu dwe.

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Mithumo 2:41

Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

Mithumo 9:8

Se Sawule a to khukha ngu hahatshi, e tula maso, kambe asi nga ngadi e wona. Va to mu ñoleta ngu diwoko ve mu wuleta Dhamasku.

Mithumo 9:17

Ananiya a to tsula eya wulela nyumbani e msanzeka manza, a txi khene: “Sawule, mwanathu, Mkoma Jesu wu a nga ti wonekisa kwako hanzila, yona yi u nga ta ngu yona, ngene a nga ni ruma kasiku u tshumela u txi wona, u tala ngu Moya wo Sawuleka.”

Mithumo 9:19

Ku ti ngako a di dyite sakudya, a to tshumela e mana mtamo. Se Sawule e zumba masiku okari ni vagondiswa va Dhamasku.

Mithumo 22:13

Ene a ni tete, a ta ni gela ku khene: ‘Sawule, mwanathu, tshumela u wona.’ Se kunukunuko ni to tshumela ni tuleka maso, se ni khata ku mu wona.