Mithumo 9:16 - Bhiblia Yo Sawuleka

¹⁶ Ani nipune ni na mu kombisa ti a fanelako kuxanisekisa tona ngu mhaka ya ditina dangu.”

Mithumo 9:16 Referans Kwoze

1 Vatesalonika 3:3

Kasiku, ni wammweyo asi vi ni kukarateka ngu mhaka ya sixanisoso, nguko ma tiziva ti to ngu yoneyo nzila yathu.

Mithumo 21:11

Ene a to hi tshuketela e teka libhande la Paulo, a txi ti sunga ngu lona minenge ni mawoko, a txi khene: “Moya wo Sawuleka wu womba tiya: ‘Vajudha va na ya sungisa tona tiya, Jerusalema, dijaha di i ku nyamne wa libhande liya, se va na di ningela manzani ka vamatiko.’ ”

2 Vakorinto 6:4

Aniko, ka totshe hi dhunda kukombisa ti to hi sithumi sa Txizimu; ngu kutimisela ka hombe sikaratoni ni wusiwanani ni mu tiphangoni.

Johani 15:20

Khumbukani dipswi di ni nga mi gela, mbimo yi ni nga khani: ‘Txithumi hi nga txa hombe ka nyamne wa txona.’ Akuwa ani va nga ni xanisa, na nanu va na mi xanisa. Ngako va di veketile dipswi dangu, va na veketa ni danu.

1 Pedro 4:14

Ngako mi txi xaniswa ngu ditina da Kristu, mi katekile, nguko moya wa kupfaliswa, Moya wa Txizimu, wu zumbile hagari kwanu.

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

Matewu 5:11

Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu.

Matewu 24:9

“Sekoko va na mi ningela kuxaniswani ni kudawani, mi na vengelwa ngu votshe vathu, ngu mhaka ya ditina dangu.

2 Timoti 3:11

amu ka sixaniso, ni kuxupheka kuwa ni nga kuziva ni di Antiyokiya, Ikoniyo, ni Listra. Eso sixaniso ni nga si wona! Kambe Mkoma a ni ponisile ka sotshe.

Mithumo 21:4

Ngako hi di mani vagondiswa, hi to zumba konaho mtxhanu wa masiku. Ngu kususumetelwa ngu Moya wa Txizimu, vona va ti ti gela Paulo ti to asi thuki e kwela eya Jerusalema.

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

Mithumo 9:14

Se ahawa a tile a di ningilwe mtamo ngu vaphaxeli va hombe, wo sungelela votshe va va dhumisako ditina dako.”

Isaya 33:1

Dikhombo kwako u handako na u sa handwa, awe u kanganyisako vale, va nga mbi kukanganyisa! Mbimo yi u no heta kuhanda, u na handwa; u txi na heta kukanganyisa, u na kanganyiswa nawe.

Mithumo 9:6

Aniko khukha u txi wulela didhoropani, se u na gelwa ti u fanelako ku ti maha.”

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Mithumo 21:13

Konaho ene a to angula, a txi khene: “Mi dilela txani, mi ni tholako mbilu, kani? Ni ti emisete, i si nga kuya sungwa dwe, aniko hambi kuya fa Jerusalema ngu mhaka ya ditina da Mkoma Jesu.”