Mithumo 9:14 - Bhiblia Yo Sawuleka

¹⁴ Se ahawa a tile a di ningilwe mtamo ngu vaphaxeli va hombe, wo sungelela votshe va va dhumisako ditina dako.”

Mithumo 9:14 Referans Kwoze

Mithumo 9:21

Se votshe va va nga ti mu engisa, va to xamala ngutu, va txi kha vona: “Ina hi nga ene wu a nga ti ti xanisa, ani Jerusalema, avale va nga ti ti dhumisa ditina diya kani? Ina ene kha tela ku ta va teka, va di sungilwe, e va yisa ka vaphaxeli va hombe kani?”

Mithumo 7:59

Se va to balisela Sitefani ngu marigwi, na ene a txi khongela, a txi khene: “Mkoma Jesu, amukela moya wangu!”

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Johani 15:21

Ngu toneto, va na mi maha totshe tiya, ngu mhaka ya ditina dangu, nguko kha va mu zivi awu a nga ni ruma.