Mithumo 9:13 - Bhiblia Yo Sawuleka

¹³ Kambe Ananiya a to xamula, a txi khene: “Mkoma, ni engisile vathu votala, va txi womba-womba ngu m'thu wuwa, ve xawutela wotshe wubihi wu a nga wu maha ka vasawuleki vako va Jerusalema.

Mithumo 9:13 Referans Kwoze

Mithumo 8:3

Kambe Sawule a ti ti xasela dibanza e wulela tinyumbani e ruruvisa vavamna ni vavasikati eya va rinza mkorani.

Ezekhiyele 3:14

Sekoko Moya wu to ni gula wu txi ni teka; se ni to tsula ni di henyile ngutu, ku txi tura moya wangu; aniko dianza da Mkoma di ti ti ni mtamo txitimwi kwangu.

Mithumo 9:1

Kambe Sawule, ngukuva a di ngadi ni mahika a kubavela kudaya vagondiswa va Mkoma, a to tsula ka mphaxeli wa hombe,

Varoma 16:15

Dingulani Filologusi ni Juliya, Nerewusi ni ndiyakwe, ni Olimpiya ni votshe vasawuleki va ku navo.

Varoma 16:2

mi mu amukela ngu ditina da Mkoma, nga ti ti fanelako vasawuleki, mi m'vhuna ka sotshe si a no si lava kwanu, nguko nene a vhuni va votala, hambi ani a ni vhuni.

Varoma 15:31

kasiku ni huluka manzani ka Vajudha va va si kholwiko, ni ti to txivhuno txiya ni txi yisako Jerusalema txi amukelwa ngu kutsaka ngu vasawuleki va Txizimu.

Varoma 1:7

Ka motshenu mi manekako Roma, mi ku va kudhundeka ka Txizimu, mi nga dhanwa ku ta maha valulami, na mi navelela makatekwa ni kudikha ka Txizimu Tate wathu, ni ka Mkoma Jesu Kristu.

Mithumo 22:4

Ni xanisile vathu va Nzila yiya, veza ve dawa. Ni va sungisete ngu titxhini, ni va beta mikorani, vavamna ni vavasikati.

Mithumo 9:32

Ngako Pedro a nga ti tsimbilatsimbila ka otshe madhawa, a to hoka ka vasawuleki va va nga ti akile ditikoni ka Lidha.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

1 Samuwele 16:2

Kambe Samuwele a to khene: Ni na tsulisa kutxani ani, kani? Nguko a txo tipfa Sawule koko, a na ni daya. Sekoko Mkoma a to khene: Teka dirole da makati u tsula nado, u txi ya khawe: Ni tile kasiku ta mahela mphaxo Mkoma.

Mithumo 9:21

Se votshe va va nga ti mu engisa, va to xamala ngutu, va txi kha vona: “Ina hi nga ene wu a nga ti ti xanisa, ani Jerusalema, avale va nga ti ti dhumisa ditina diya kani? Ina ene kha tela ku ta va teka, va di sungilwe, e va yisa ka vaphaxeli va hombe kani?”

Mithumo 9:41

Pedro a to mñola ngu diwoko e mu emisa, se a di dhani vasawuleki ni tinoni a to mu kombisa masoni kwawe na a txi hanya.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

1 Vakorinto 6:5

Ni wombisa tiya kasiku mi pfa tingana. Ina kha nga ho hagari kwanu m'thu wo ziva, awu a sikotako kulamula hagari ka vanawe, kani?

1 Vakorinto 14:33

Nguko Txizimu hi nga Txizimu txa vhilinganya, aniko i Txizimu txa kudikha. Madingano ni txiheno txa otshe mabanza a vasawuleki,

1 Vakorinto 16:1

Ka mhaka ya msengo wa kuvhuna vasawuleki, na nanu mahani tonti ni nga rumela kumaha ka makholwa a mabanza a Galatiya.

Vaefesu 1:1

Ani Paulo, mpostoli wa Jesu Kristu ngu kuranda ka Txizimu, ni bhalela vasawuleki va Efesu, va thembekako ngu ka Kristu Jesu;

Vafilipiya 1:1

Paulo ni Timoti, sithumi sa Jesu Kristu, hi bhalela va va nga sawuleka ngu ka Kristu Jesu, va ku Filipiya, kumweko ni vabhixopo ni vadhiyakoni vawe.

Vafilipiya 4:22

Vasawuleki votshe va mi dingula, ngutu-ngutu ava i ku va nyumba ya Khezari.

Vakolosa 1:2

hi bhalela vasawuleki va ku Kolosa, vanathu va kuthembeka ka Kristu: Kateko ni kudikha si nave ni nanu, si txi ta ngu ka Txizimu, Tate wathu!

Vahebheru 13:24

Dingulani votshe vathangeli vanu. Votshe vasawuleki va mi dingula, ava va kuta ngu Italiya.

Judha 1:3

Vorandeka, ni di ngadi ni txi xuva ku mi bhalela madingano ni kuhanyiswa kuwa i ku ka hotshethu, ni ti woni ti di ni fanelo ku mi bhalela, ni mi laya, ti to mi lwela likholo li Txizimu txi nga ninga vasawuleki va txona kumweko dwe.