Mithumo 8:40 - Bhiblia Yo Sawuleka

⁴⁰ Kambe Filipi a to maneka a di Azoto; se e tsimbila e gondisa Evhangeli ka otshe madhoropa, kala eya hoka Khezareya.

Mithumo 8:40 Referans Kwoze

Mithumo 21:8

Mangwanani ka kona hi to pinda hi ya Khezareya. Se hi ti ya temela m'tini ka mvangeli Filipi, i nga ti mmweyo wa vale va mtxhanu ni vambidi.

Mithumo 25:4

Kambe Festo a to va angula a txi khene Paulo a seketwe mkorani ka Khezareya, e va gela kambe ku khene ene Festo apune a na khukha ngu kukuluveta e tsula koneyo.

Mithumo 23:33

Ngako va di hokile Khezareya, vagadhi va mahantxhi va to ningela dipapilo ka mfumeli, ve humisa ni Paulo masoni kwakwe.

Mithumo 23:23

Se mthangeli wa hombe yi to dhana tinduna timbidi ta ma dizana, yi txi ti gela ku kha yona: “Longisani 200 a masotxhwa, mtxhanu wa magumi ni magumi mambidi a vagadhi va mahantxhi, ni 200 wa vavamna va malaho, kasi kuve tsula Khezareya ngu txikhati txa wuraru txa wusiku.

Mithumo 10:1

A ti ti ho didhoropani ka Khezareya m'thu wu a nga ti dhanwa ku i Korneliyo, awu i nga ti mthangeli wa dizana, ka txikwata txi txi dhanwako ku i “Italiya.”

1 Samuwele 5:1

Vafilista koko, va to teka dibhokiso da Txizimu kona Ebhenezeri ve tsula nado Asidhodhe.

Varoma 15:19

ngu mtamo wa sikombiso ni sidiwukiso, ni mtamo wa Moya. Ngu toneto, ni txhumayete Evhangeli ya Kristu ka otshe madhawa, kukhukhela Jerusalema kala kuya hoka Iliriya;

Mithumo 25:13

Msana ka masiku okari, mfumeli Agripa ni Bhernike va to ta Khezareya ku ta losa Festo.

Mithumo 25:6

Ku ti ngako a di zumbile navo masiku awa ma si pindiko mtxhanu ni mararu, mwendo digumi, Festo a to kwitima eya Khezareya. Mangwanani ka kona, a to khalahatsha ha txikhaloni ka kulamula, e rumela kudhana Paulo.

Mithumo 25:1

Ngako Festo a di bwakile ka ditiko donedo, a zumbile masiku mararu Khezareya, se e kwela Jerusalema.

Mithumo 21:16

Va hi heleketile vagondiswa vokari va Khezareya, va txi hi yisa m'tini ka mthuyo a dhanwako ku i Menasoni, wa Kipra, mmweyo wa vagondiswa vo thanga, ahawa hi nga ti fanela kuamukelwa hi zumba kona.

Mithumo 12:19

Herodha a di rumete ku mu lava, va to mu pwata. Se a di rumete kuthethisa masotxhwa a kuwoneleta, a to leleta kumana dawe. Se Herodha a to khukha Judheya e kwitima Khezareya eya zumba kona.

Mithumo 10:24

Ka ditshiku di di londetako, a to wulela Khezareya. Korneliyo a ti va rinzete, a di dhani maxaka akwe ni vangana vakwe vo randeka.

Mithumo 8:25

Pedro ni Johani, va di mahile wufakazi ni kunuwela dipswi da Mkoma, va to tshumelela Jerusalema, na va txi txhumayela Evhangeli ka yotshe miti ya Vasamariya.

Zakariya 9:6

Se muwuyi a na zumba kona Asidhodhe. Kambe ni na lovisa kutikulisa ka Vafilista.

Joxuwa 11:22

Kha ka nga sala ni wammweyo wa ka Anaki, ditikoni ka vanana va ka Israyeli, kumaneka vo sala dwe kona didhoropani ka Gaza, ni Gati, ni Asidhodhe.

Mithumo 9:30

Se ngako va di ti engisile, vagondiswa kulowe, va to mu heleketa Khezareya, ahawa va nga ya mu pindisa ve m'rumela Tarso.

Mithumo 11:11

“Kunukunuko ku to humelela vavamna vararu ha txikeni ka nyumba yi hi nga ti ka yona: Vona va ti rumetwe kwangu, na va txi khukhela Khezareya.

Mithumo 18:22

Ku ti ngako a di hokile Khezareya, a to kwela eya losana ni dibanza da makholwa, ngu msana e kwitima eya Antiyokiya.