Mithumo 8:39 - Bhiblia Yo Sawuleka

³⁹ Ku ti ngako va di humile, Moya wa Mkoma wu to gula Filipi, se mthangeli wule wa mthenwa, kha a swa e mu wona kambe; aniko a to ñola nzila yakwe eya masoni ngu kutsaka ka hombe.

Mithumo 8:39 Referans Kwoze

1 Vafumeli 18:12

Se ti ndi na maheka to, ni txi na khukha hawa kwako, Moya wa Mkoma wu txi kuteka, mwendo wu txi kuyisa hani, se ani ni txi tisa thenga ka Akabe, asi ku mani awe a na ni daya; ngukonaho, ani txithumi txako, ni thava Mkoma kukhukhela ka wufana wangu.

2 Vafumeli 2:16

Sekoko va to kha vona kwakwe: Wa txi wona txithumi txako ni mtxhanu wa magumi a tindena; va leke ve tsula kuya teka mthangeli wako; ti nga nda maheto na a di gutwe ngu Moya wa Mkoma, wu txi ya mu tshotsha ka wumwewo wa mmango, mwendo ka mkova wokari. Sekoko ene a txi khene: Mi nga va rumeleni.

Ezekhiyele 11:24

Msana keto, Moya wu to ni khukhisa wu txi ni gula ngu txiwoniso kala didhoropani, ka vale va nga ti ti wukhumbini; se txiwoniso txile ni nga txi wona, txi to khukha.

Ezekhiyele 8:3

Se a to nawuluta txo fana ni dianza, a txi ñola misisi ya msungo wangu; Moya wu to ni guleta hagari ka mafu ni nzuma, wu txi ni tisa Jerusalema ngu txiwoniso txa Txizimu, kala ha txikeni ka mthanda wa mndani, txi nga rendekela wuphemba, ku nga ti vekilwe txifaniso txa txiluse, txi wusako kulusa ka Txizimu.

Ezekhiyele 43:5

Se Moya wu to ni gula wu txi ni yisa ka mtendela wa mndani; se kuphatima ka Mkoma ku to tata dithepele.

Ezekhiyele 11:1

Sekoko Moya wu to ni gula, wu ni yisa ka ditimba da wutxani da Nyumba ya Mkoma, di nga rendekela wutxani; ha txikeni ku ti ti ni magumi mambidi a vavamna; se hagari kwawe ni woni Jazaniya, mwana Azuri, ni Pelatiya, mwana Bhenaya, vathangeli va vathu.

Marku 1:10

Mbimo yi a nga txi huma ngu matini, a to wona nzuma yi txi tuleka, se Moya wo Sawuleka wu txi txhika nga txituvani txitimwi kwakwe.

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Jakobe 4:16

Kambe konkuwa, ma ti guleta ngu mapimo anu aku ti themba: Kasi kotshe kutiguleta ko nga tiya, ku bihile.

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Varoma 5:2

awu hi nga mana kukholwa ka kateko yiya ngu mtamo wakwe, yona kateko yi hi ku nayo, ayi yi hi ningako kutsaka, na hi txi tsaniswa ngu txithembo txa wudhumo wa Txizimu.

Mithumo 13:52

Ngu didhawa da vagondiswa, vona va to sala va di tate ngu litsako ni Moya wo Sawuleka.

Mithumo 8:8

Se ngu kota yeto, ku to tala ngu litsako la hombe didhoropani muleya.

Matewu 13:44

“Mfumo wa nzumani wu fana ni txuma txi txi nga siswa thembweni kokari, txuma txi m'thu a nga txi tumbula, se e engeta e txi sisa. Kambe kutsakani kwakwe, a to tsula eya xavisa sotshe si a ku naso e xava thembwe yile.

Matewu 3:16

Jesu msana ka kuva a di bhabhatisilwe a to huma ngu matini. Konako, nzuma yi to tuleka, se Jesu e wona Moya wa Txizimu, wu nga ti relela nga dituva txitimwi kwakwe.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Masalmo 119:111

Thomba yangu ya yotshe mbimo ngu sileleto sako, nguko sa tsakisa mbilu yangu.

Masalmo 119:14

Na tsaka ngutu ngu kulondisa milayo yako kupinda kumana totshe tithomba.

Mithumo 16:34

Sekoko a to kwela e tsula navo nyumbani kwakwe eya va vekela sakudya masoni kwawe; se a to tsaka ni yotshe ngamu yakwe ngu kuwa va nga kholwa ka Txizimu.

Ezekhiyele 37:1

Di tile txitimwi kwangu dianza da Mkoma; se Mkoma a to ni teka ngu moya, a txi ya ni veka ka Mkova wo tala ngu marambu,

Mithumo 8:29

Moya wu to gela Filipi, wu txi kha wona: “Tshuketela txikotxikani txile.”

Mithumo 8:38

Se a to rumela ti to txikotxikani txi emiswa; se ve kwitima veya matini ngu wumbidi wawe, Filipi ni mthangeli wule wa mthenwa; Filipi a to m'habhatisa.