Mithumo 8:37 - Bhiblia Yo Sawuleka

³⁷ Se Filipi a to khene: “Ngako u txi kholwa ngu yotshe mbilu yako, u nga tumelelwa.” Se a to xamula a txi khene: “Na kholwa ti to Jesu Kristu i Mwanana wa Txizimu.”

Mithumo 8:37 Referans Kwoze

Mithumo 8:36

Se mbimo yile va nga txi tsimbila, va to hoka aha ku nga ti ni mati, se wule wa mthenwa, a to kha yona: “Hi nga wona, mati ndiya; ni nga tsivelwa ngu txani kubhabhatiswa kani?”

Mithumo 8:38

Se a to rumela ti to txikotxikani txi emiswa; se ve kwitima veya matini ngu wumbidi wawe, Filipi ni mthangeli wule wa mthenwa; Filipi a to m'habhatisa.

Matewu 16:16

Simoni Pedro a to angula a txi khene: “Awe u Mesiya Mwanana wa Txizimu txi txi hanyako.”

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Marku 16:16

Awu a no kholwa, a txi bhabhatiswa, a na huluka; awu a no mbi kholwa, a na abaniswa.

Johani 6:68

Simoni Pedro a to angula a txi khene: “Hi na ya ka mani kani Mkoma kani? Awe ngawe u ku ni mapswi a wutomi wo mbi guma.

Johani 9:35

Jesu a ti engisile ti to va mu humisile hahanze, se ngako a di manani nayo, a to mu wotisa a txi khene: “Wa kholwa ka Mwanana wa M'thu kani?”

Johani 11:27

Ene a to khene: “Ina, Mkoma, na kholwa ti to awe ngawe Mesiya, Mwanana wa Txizimu, awu a nga ti fanekela kuta ha ditikoni.”

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Mithumo 8:12

Kambe, mbimo yi va nga kholwa ka Filipi, awu a nga va gela Evhangeli ya Mfumo wa Txizimu ni ditina da Jesu Kristu, vavamna ni vavasikati va to bhabhatiswa.

Mithumo 8:21

Ka mhaka yiya khu na txyavelo hambi thomba, nguko mbilu yako kha ya lulama masoni ka Txizimu.

Mithumo 9:20

Se Sawule kunukunuko, a to khata kugondisa ta Jesu masinagogani, e huwelela ti to ngene Mwanana wa Txizimu.

Varoma 10:10

Nguko m'thu a kholwa ngu mbilu kasiku e mana wululami, kambe a fakaza ngu txisofu, kasiku e mana kuhanyiswa.

1 Vakorinto 12:3

Ngu toneto, na mi zivisa ku khani: A walo wu a wombawombako ngu kutulelwa ngu Moya wa Txizimu, a sikotako kuwomba ti to “Jesu nja walo”; kambe awalo wu a sikotako kuwomba ti to “Jesu Mkoma,” na i si nga wu a nga tulelwa ngu wona Moya wo Sawuleka.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

1 Johani 4:15

Awu a fakazako ti to Jesu Mwanana wa Txizimu, Txizimu txi zumba kwakwe, se nene a zumba ka Txizimu.

1 Johani 5:1

Wuhi ni wuhi a kholwako ti to Jesu i Mesiya, a velekilwe ngu Txizimu; se awule a randako m'veleki, wa m'randa kambe awule a nga velekwa ngu ngene.

1 Johani 5:5

I mani a xulako ditiko hahanze ka wule a kholwako ti to Jesu Mwana wa Txizimu kani?

1 Johani 5:10

Awu a kholwako ka Mwanana wa Txizimu, wufakazi wu kwakwe. Awu asi kholwiko ka Txizimu txi maha Txizimu txa makuhu, nguko kha kholwi ka wufakazi wu txi nga mahela Mwanana wa txona.