Mithumo 8:36 - Bhiblia Yo Sawuleka

³⁶ Se mbimo yile va nga txi tsimbila, va to hoka aha ku nga ti ni mati, se wule wa mthenwa, a to kha yona: “Hi nga wona, mati ndiya; ni nga tsivelwa ngu txani kubhabhatiswa kani?”

Mithumo 8:36 Referans Kwoze

Mithumo 10:47

Konaho Pedro a to khene: “I mani a no sikota kulambela mati a txibhabhatiso ava va nga amukela Moya wo Sawuleka, kufana ni nathu, kani?”

Johani 3:23

Johani nene a ti bhabhatisa Enoni, hafuhi ni Salimi, nguko ku ti ni mati amangi koneyo, ni vathu vavangi va txi ya koneyo veya bhabhatiswa.

Johani 3:5

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi ngu mati ni Moya, kha na kusikota kuwulela Mfumoni ka Txizimu.

1 Johani 5:6

Jesu Kristu ngene wu a nga ta kwathu ngu mati a kubhabhatiswa kwakwe ni mnoha. Moya ngu wona wu fakazako, nguko Moya ngu wona i ku ditshuri.

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Matewu 3:6

Va txi bhabhatiswa ngu ngene mnamboni ka Jordhani, va txi ti tshanza sionho sawe.

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Mithumo 8:37

Se Filipi a to khene: “Ngako u txi kholwa ngu yotshe mbilu yako, u nga tumelelwa.” Se a to xamula a txi khene: “Na kholwa ti to Jesu Kristu i Mwanana wa Txizimu.”