Mithumo 8:33 - Bhiblia Yo Sawuleka

³³ Kuxaniswani kwakwe, kha lamulwa ngu nzila yo lulama. I mani a no womba-womba ngu liveleko lakwe kani? Nguko wutomi wakwe wu fuvisilwe ha mafuni.”

Mithumo 8:33 Referans Kwoze

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Isaya 53:8

A thavisilwe ngu kutsindavetwa ni kulamulwa; se i mani a no xawutela ta kuhanya wakwe kani? Nguko a wilisilwe mafuni ka va va hanyako, kambe a manetwe ngu wuhambunyeti wa vathu vangu.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Habhakuki 1:4

Ngu mhaka yiya, mlayo wa hungulwa mtamo, se timhaka kha ti nja nga hoka magwito; nguko m'bihi a randela wule wo lulama, se timhaka ti lamulwa ngu nzila yo wekela.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Isaya 10:2

Kasi kuonha mhaka ya sisiwana, ve pela sisiwana sa ditiko dangu, kasi kuhanda tinoni, ni kupela vale vo felwa ngu vaveleki.

Isaya 5:23

Dikhombo ka vale va emelako m'bihi ngu kuxavelela, se awule wo lulama ve mlambela kululama!

Masalmo 22:30

Vatukulu vawe va na mthumela; va na xawutela ka liveleko ni liveleko.

Masalmo 22:15

Mkolo wangu wu omile kufana ni mraka wo hiswa ni lidimi langu li namarete mkanani kwangu. Awe u ni lekile hafuhi ka diphala.

Jobe 34:5

Nguko Jobe a ti khene: Ani ni lulamile, aniko Txizimu txi thavisile madingano angu.

Jobe 27:2

Txizimu txi hanyako, txi ni honyote ditshuri dangu, wa Mtamo-wotshe a nga swihata moya wangu.

Isaya 53:7

Ene a to khoziswa, aniko kha tula txisofu; kufana ni txinvutana a to yiswa kudawani, ni kufana ni nvuta masoni ka wu a yi kayako, ene kha tula txisofu.

Mithumo 8:34

Se nduna yile ya mthenwa yi to kha yona ka Filipi: “Hi ngani gela, mprofeti a womba mani ngu mapswi awa kani? A ti ko ti womba ene apune mwendo a ti ti womba mmwani kani?”