Mithumo 8:31 - Bhiblia Yo Sawuleka

³¹ Aniko ene a to khene: “Ni nga ti pfisisa kutxani, ngako ni si na mtxhamuseli kani?” Se a to kombela Filipi ku e kwela a ta khalahatsha kumweko nayo.

Mithumo 8:31 Referans Kwoze

Varoma 10:14

Kambe va na khozelisa kutxani ka wule va nga mbi kholwa kwakwe kani? Va na kholwisa kutxani ka wule va nga mbi engisa timhaka takwe kani? Va na ti engisisa kutxani, ngako ku si nga ni mtxhumayeli kani?

1 Vakorinto 8:2

Se ngako m'thu a txi pimisa ti to wa ziva, eyo kha nzi kuziva ngu tifanelo ti ti lavekako.

Jakobe 1:21

Ngu konaho, thavisani yotshe nzambwa ni wubihi wu wu pindako, mi txi amukela ngu kudikha dipswi di di nga phaywa timbiluni kwanu, adi di nga sikotako ku mi hulukisa.

Jakobe 1:10

Kambe nene nyatithombe a na tsake ngako a txi vekwa hahatshi; nguko ene a na pinda kufana ni txiluva txa mwasi.

1 Vakorinto 3:18

Mi nga ti kanganyiseni mipune. Ngako m'thu a txi pimisa ti to a txharihile ngu wutxhari wa ha mafuni, a na ti mahe txipumbu, kufela ku e mana wutxhari wa ditshuri.

Marku 10:15

Kha ditshuri na mi gela ku khani: Awule asi amukeliko Mfumo wa Txizimu nga mwanana, txima kha na mbi wulela ka wona.”

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Masalmo 73:22

ni manekile ni di txipumbu ni si zivi txilo. Ni txi nga no va txihari masoni kwako!

2 Vafumeli 5:26

Aniko Elixa a to khene: Khu ti zivi taku mbilu yangu yi ti ti ni nawe, mbimo yile awule wa wamwamna a nga txhika ngu mu ka txikotxikani e kuhingeta kani? Ina i ti ti yona mbimo ya ku va u di tekile silivhela ni kuteka syambalo, ni miolivha, ni mivhinya, ni tinvuta, ni tihomu, ni sithumi sa txiwamna ni sa txisikati kani?

2 Vafumeli 5:9

A to ta koko Nahanani, ni mahantxhi akwe ni txikotxikani txakwe, a txi ta ema ha txikeni ka nyumba ya Elizewu.

Mithumo 8:30

Se Filipi a to tutuma eya koneho, ngako a txi engisa Muetiyopiya a txi gonda dibhuku da mprofeti Isaya, a to khene kwakwe: “Wa ti pfisisa ti u gondako kani?”

Mithumo 8:32

Ndimana ya dibhuku di a nga ti gonda ngu yiya: “Nga nvuta yi yi yiswako kudawani, Nga txinvutana txi malalako masoni ka wu a txi kayako matoya Kufana ni toneto nene kha tula txisofu txakwe.