Mithumo 8:30 - Bhiblia Yo Sawuleka

³⁰ Se Filipi a to tutuma eya koneho, ngako a txi engisa Muetiyopiya a txi gonda dibhuku da mprofeti Isaya, a to khene kwakwe: “Wa ti pfisisa ti u gondako kani?”

Mithumo 8:30 Referans Kwoze

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Vaefesu 5:17

Ngu toneto, mi nga ti maheni mabhemba, aniko lavani kuziva kuranda ka Txizimu.

Matewu 15:10

Sekoko, ene a to dhana dibutho, a txi khene kwawe: “Engisani, mi ti pima!

Matewu 13:23

Ani wule a nga amukela mbewu ka mafu amanene, ngu wule a engisako dipswi, e di veketa; eyo ngene a velekako mihando, ahawa a txi veleka dizana, ahawa mtxhanu wa magumi ni dimwedo, ahawa makumararu.”

Matewu 13:19

Ngako m'thu a txi engisa dipswi da Mfumo, asi di engisisi, kuta m'bihi e ta fukula asile si nga ti phayilwe mbiluni kwakwe; awuwa njifananiso txa mbewu ya kuwela ha nzila.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

1 Vakorinto 14:19

Kambe msengeletanoni ni dhunda kuwomba mtxhanu wa mapswi awa ma pfalako, kufela kugondisa vamwani, kupinda 10.000 wa mapswi, ngu tidimi ti ti si ziwiko.

Marku 13:14

“Ngako mi txi wona manyala a kuthisa ma di zumbile ahawa ku si faneliko (awu a gondako a na pfisise), ka yoneyo mbimo, ava va ku Judheya va na tutumele mimangoni.

Matewu 24:15

“Ngu konaho, mbimo yi mi no wona manyala a kuthisa, ma nga songolela kuwombwa ngu mprofeti Dhaniyeli ma di talete wukhalo wo sawuleka, (awu a gondako a na ti pfisise!)

Matewu 13:51

“Se Jesu a to khene ka vagondiswa vakwe: Mi ti mani totshe timhaka tiya kani?” Se va nje kha vona kwakwe: “Ina!”

Masalmo 119:32

Ni na khutalela kuvekisa sirumo sako, nguko atiya ti na ni ninga wuzivi wa hombe.

Mtuletelo 13:18

Ahawa kulaveka wutxhari! Awu a ku ni kupfisisa a na tumbule txibalo txiya txa txikalani, nguko txibalo txiya txi womba ditina da m'thu: Txibalo txa kona i 666.

Mithumo 8:27

Se ene a to khukha e tsula. Se mmweyo wamwamna wa Muetiyopiya, i nga ti mthenwa ni mthangeli wa hombe wa Kandake, mfumeli wa wamsikati wa Etiyopiya, ni muwoneleti wa txotshe txuma txakwe, awu a nga ti tile Jerusalema ku ta khozela;

Johani 4:34

Se Jesu a nje khene kwawe: “Sakudya sangu ngu kumaha kuranda ka wule a nga ni ruma ni kuhetisa mthumo wakwe.

Mithumo 8:5

Se Filipi a to relela ka didhoropa dokari da Samariya eya txhumayela kona Mesiya.

Mithumo 8:29

Moya wu to gela Filipi, wu txi kha wona: “Tshuketela txikotxikani txile.”

Mithumo 8:31

Aniko ene a to khene: “Ni nga ti pfisisa kutxani, ngako ni si na mtxhamuseli kani?” Se a to kombela Filipi ku e kwela a ta khalahatsha kumweko nayo.