Mithumo 8:24 - Bhiblia Yo Sawuleka

²⁴ Simoni a to xamula, a txi khene: “Ni khongeleleni anu ka Mkoma ti to ni si thuki ni txi humelwa ngu txilo ni txa tximwetxo ka si mi nga si womba.”

Mithumo 8:24 Referans Kwoze

Mitengo 21:7

Ngu kumaha ka eto, vathu va to ya ka Mosi, va txi ya kha vona: Athu hi onhile ngutu, nguko hi sote Mkoma, ni nawe; ngu mhaka ya eto, awe hi kombelele ka Mkoma tito, a txi thavisa minyoka yiya hagari kwathu. Koneko Mosi a to kombelela vathu.

Eksodha 8:8

Se Faro a to ruma kudhanwa Mosi ni Aroni, a txi khene kwawe: “Kombelani ka Mkoma kasiku e thavisa makhele ahawa kwangu, ni na leka vathu va txi huma, kasi va txi ya maha mphaxo ka Mkoma.”

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

Jobe 42:8

Tekani koko mtxhanu wa marole ni mambidi, ni tihamba, mi tsula ka txithumi txangu Jobe, mi txi ya ningela mphaxo wo hiswa mipune, se txithumi txangu Jobe a na mi kombelela; nguko kutilava ni nga mtumelela, kasi ku ani ni si mi tshumeteli ngu wubihi wanu; nguko anu kha ma womba ditshuri ngu ngani, kufana ni txithumi txangu Jobe.

1 Vafumeli 13:6

Sekoko mfumeli a to xamula a txi khene ka m'thu wa Txizimu: Khongela masoni ka Mkoma Txizimu txako, ni kombelele ti to dianza dangu di kalamuka. Sekoko m'thu wa Txizimu a to kombela masoni ka Mkoma, se dianza da mfumeli di to wuya txikale txa dona.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.

Eksodha 12:32

Tekani kambe mitxhambi yanu ya tinvuta ni ya tihomu, nga ti mi nga kombela, tsulani kambe ni katekiseni nani.

Eksodha 10:17

Konkuwa koko, na mi kombela taku mi txi ni divalela txionho txangu, ka txona txikhati txiya dwe, kambe khongelani ka Mkoma Txizimu txanu, ti to a txi thavisa kwangu lifo liya.”

Genesisi 20:7

Se konkuwa, mtshumete eyo wamsikati, a txi tsula ka mwamna wakwe, nguko mwamna wakwe mprofeti: Se a na kukombelela kasi u txi hanya. Aniko nga ti u si mtshumeti, kufa u na fa awe ni votshe va kulumbako.”

Ezra 8:23

Athu koko, hi to ti tona, ni kukombela totsheto ka Txizimu txathu, se txi to pfisisa mikombelo yathu.

Ezra 6:10

Va txi na ningela mphaxo wo bhumula kha kwati ka Txizimu txa nzumani, ve kombelela wutomi wa mfumeli ni wa vanana vakwe.

1 Samuwele 12:19

Se vathu votshe va to kha vona ka Samuwele: Kombelela sithumi sako ka Mkoma Txizimu txako, kasiku hi si fi; nguko ka sotshe sionho sathu hi engetete wubihi wuwa, wa ku ti kombelela mfumeli.

Genesisi 20:17

Abrahamu a to kombelela Abhimeleki ka Txizimu, se Txizimu txi to holisa, ni msikati wakwe ni sithumi sakwe, kasi ve mana kuveleka vanana;

Jeremiya 37:3

Mfumeli Zedhekiya a to ruma Jehukali, mwana Selemiya, ni Zefaniya, mwana Mahaseya, mphaxeli, ka Jeremiya, a txi ya khene: Hi kombelele kona kuwa masoni ka Mkoma, Txizimu txathu.

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako: