Mithumo 8:2 - Bhiblia Yo Sawuleka

² Se vavamna vokari va vakhongeli va to kelela Sitefani, ve maha madila a hombe a kusaluka ene.

Mithumo 8:2 Referans Kwoze

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

Mithumo 2:5

Aniko va ti ti ho Vajudha va va nga ti akile Jerusalema, i nga ti vathu va kukholwa, va kuta ngu ka yotshe mifumo, ayi yi kuho hahatshi ka nzuma.

Luka 2:25

A ti ti ho m'thu Jerusalema a nga txi dhanwa ku i Simiyoni. Ene i ti wa kululama ni kutiningetela ka wukhongeli. Ene a ti ti rinzela kuthavelelwa ka Israweli, se Moya wo Sawuleka wu ti ti ni nene.

Jeremiya 22:18

Ngu konaho, Mkoma a womba madingano ni Jehoyakimu, mwana Josiya, mfumeli wa ka Judha, a txi khene: Kha va na mbi m'dilela, va txi kha vona: Yowe, mwanathu wa txiwamna! Mwendo yowe, mwanathu wa txisikati! Se kha va na mbi peka huwa ngu ngene, va txi kha vona: Yowe, awe nyamne wangu! Mwendo ku yowe awe mthaviseki!

Jeremiya 22:10

Mi nga dileleni wu a nga fa, mi nga pekeni huwa ngu mhaka yakwe. Aniko dilelani ngutu wu a khukhako, nguko kha na mbi ngadi e wuya, a txi ta wona ditiko di a nga velekwa ka dona.

2 Makronika 35:25

Se Jeremiya a to maha txidilo txo dila Josiya; se votshe vaembeleli vavamna ni vavasikati va to womba-womba ngu timhaka ta Josiya tindandoni kwawe, kala ka ditshiku da nyamsi; nguko va ti mahile txileleto ka Israyeli; wonani taku “ti bhatwe ka dibhuku da sidilo.”

2 Makronika 32:33

Ezekhiya a to otela ni vatate vakwe, eya tshotshwa ka mathitha a txitimwi a vanana va ka Dhavhidha. Vathu votshe va ditiko da Judha ni vahanyi va Jerusalema va to mudila kufani kwakwe, se mwanakwe Manasi a to fuma ka wukhalo wakwe.

2 Samuwele 3:31

A to khene koko, Dhavhidha ka Jowabhi ni ka vathu vale a nga ti ti navo: Vharulelani syambalo sanu; mi sunga tinguwo ta masaka mi mdila Abhineri. Se mfumeli Dhavhidha a to londisela txithathe txi txi nga ti rwate txirumbi.

1 Samuwele 28:3

Ka mbimo yoneyo Samuwele a ti fite, votshe va ka Israyeli va ti mu dite, ve mtshotsha kona Rama, i nga ti didhoropa dakwe; se Sawule a ti tutumisile vahuti ni tiñanga ditikoni.

Dhewuteronome 34:8

Vanana va ka Israyeli va msalukile Mosi, libalani ka Mowabhi, amu ka magumi mararu a masiku, kala ku txi guma masiku a masaluko, o dila Mosi.

Mitengo 20:29

Mbimo si msengeletano wu nga wona ti to Aroni a fite, wu to maha txidilo txo dila Aroni, magumi mararu a masiku.

Genesisi 23:2

se a fete Keriyate-Aribhe, i ku Hebroni, ditikoni ka Kanana. Abrahamu a to ya maha tifanelo ta madila ni kusaluka.

Mithumo 8:1

Ka donedo ditshiku, ku to tumbuluka livengo la tshofu ya kuxanisa dibanza da Jerusalema: Votshe, hahanze ka Vapostoli, va to hangalaka ka matiko a Judheya ni Samariya.

Mithumo 8:3

Kambe Sawule a ti ti xasela dibanza e wulela tinyumbani e ruruvisa vavamna ni vavasikati eya va rinza mkorani.

Genesisi 50:9

Kumweko navo kutsute sikotxikani ni mahantxhi, ni vagadhi va ona: I ti dibutho da hombe ngutu.

Marku 6:29

Se vagondiswa va Johani, ngako va di ti zivile, va to ya teka txirumbi txakwe, veya txi tshotsha diyivani.