Mithumo 7:60 - Bhiblia Yo Sawuleka

⁶⁰ Se e khizama a txi kwangula ngu dipswi da hombe, a txi khene: “Mkoma u nga va alakanyele txionho txiya.” Ngako a di wombile tiya, a to fa.

Mithumo 7:60 Referans Kwoze

Matewu 5:44

Aniko ani ni khani: Randani valala vanu, mi txi khongelela avale va mi xanisako.

Luka 23:34

Se Jesu a ti ti khene: “Tata, va divalele, nguko kha va ti zivi ati va ti mahako.” Ngu msana, va to abanela syambalo sakwe, ngu kuxaxuva tixolo.

1 Vakorinto 15:20

Aniko hi nga tona! Kristu a wukile ngu ka vo fa, ngene matiwula a votshelele va va nga otela.

Mithumo 20:36

Ka mapswi awa, a to khizama e khongela kumweko navo votshe.

Mithumo 9:40

Se Pedro a to humisa hahanze votshe vathu vale, e khizama a txi khongela. Se a di rendekete txirumbi, a to khene: “Tabhita, wuka!” Ene a to tula maso e wonetela Pedro se e khalahatsha.

Luka 6:28

wombani mapswi a wunene ka vale va mi ruketelako, khongelelani avale va mi xanisako.

1 Vakorinto 15:18

Ngu toneto, ni vale va nga fela ka Kristu, va lovile ni vona.

Mithumo 21:5

Kambe ngako ma di gumile masiku ale, hi to longela kasiku hi khukha. Hi khukhile na hi txi heleketwa ngu vavasikati ni sivananana. Ngako hi di humile hahanze ka didhoropa, hi to khizama mabambe ka mati hi khongela.

Mithumo 13:36

“Kasi i di Dhavhidha, ngako a di hetile, ka mbimo ya kuhanya kwakwe, mthumo wu Txizimu, ngu makungo a txona, txi nga ti msikete ona, ene a to otela, se e tshotshwa hafuhi ni vatate vakwe, e sina.

Luka 22:41

Sekoko, e phawuka kwawe, a txi ya kule nyana ka kudingana kurinzwa ka dirigwi, ahawa a nga ya khizama, e khongela, a txi khene:

1 Vatesalonika 5:10

a nga hi fela, kasiku athu, mwendo ha wonelela mwendo ha otela, hi hanya hi di patani kumweko nayo.

1 Vakorinto 15:6

Msana keto, a ti wonekisile ka vanathu vo pinda mtxhanu wa mazana, ngu txikhati tximwetxo; ava, hagari ka vona, vamwani va ku ngadi va txi hanya ni nyamsi, aniko vamwani se va fite.

Matewu 27:52

Mathuna me tulekela, se mimidi ya vafi votala va kusawuleka, yi to wuka.

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

1 Vakorinto 11:30

Ngu toneto, hagari kwanu ku ni vo ti bikabika, ni valwali, ni vamwani votala va fite.

Ezra 9:5

Hafuhi ka mbimo ya miphaxo, ni to khukha kuhenyanimo kwangu, na ni ti vharulete syambalo sangu, ni to khizama, ni guleta manza angu ka Mkoma, Txizimu txangu.

1 Vakorinto 15:51

Ni lava ku mi gela misisalo: Hi nga hotshethu hi no fa, aniko hotshethu hi na hinduluswa txiemo.

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Johani 11:11

Msana ka kuva a di wombile eto, a to va gela, a txi khene: “Lazaro mngana wathu a otete: Ani ni yela kuya mu wusa.”

2 Timoti 4:16

Kutiangulelani kwangu ko khata, kuwalo ni wammweyo a nga ni emela, votshe va ni lekile ha mpfhukani. Kambe va nga thuke va txi ningwa mnandu ka mhaka yiya.

2 Pedro 3:4

Vona va na kha vona: “Ti gwitisile kutxani ta wule ku nga thembiswa ti to wata kani? Nguko, kukhukhela vatate vathu ve fa, ti ngadi zumbisile tona ti i nga ti tona kukhatani ka mtumbuluko wa ditiko.”