Mithumo 7:57 - Bhiblia Yo Sawuleka

⁵⁷ Aniko va to maha diguwa da hombe, ve ti tsiva tinzeve, veya mpfinya.

Mithumo 7:57 Referans Kwoze

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

Mithumo 23:27

“Vajudha va ti ñote m'thu wuwa ni m'rumelako kwako. Vona va ti lava ku m'daya, aniko ani ni to tsula ni masotxhwa ni ya mu honyola kwawe, ngako ni nga pfa ti to ene njivelekwa txa mroma.

Masalmo 58:4

Wuxungu wawe wu fana ni wa minyoka; va fana ni mamba ya diphanzeve, yi ti tsivako tinzeve.

Mithumo 7:54

Ku ti ngako va di pfite timhaketo ta Sitefani, va to henya ngutu timbiluni kwawe, se ve gegeresela makwasa, ngu txiviti nayo.

Mavingu 21:13

Awule a tsivako nzeve yakwe ka huwa ya txisiwana, nene a na dila kambe kha na mbi engiswa.

Mithumo 7:56

Se a ti khene: “Ma ti wona, ani ni wona nzuma yi di tulekile, ni Mwanana wa M'thu a di emile txineneni ka Txizimu.”

Mithumo 7:58

Se va to mruruvisa ve mu yisa hahanze ka didhoropa, veya mu balisela ngu marigwi. Tifakazi ti ti vekile tinguwo ta tona minengeni ka dijaha di di dhanwako ku i Sawule.