Mithumo 7:55 - Bhiblia Yo Sawuleka

⁵⁵ Aniko Sitefani, a di tate ngu Moya wo Sawuleka, a to gula maso e wona nzumani, e wona kuphatima ka Txizimu ni Jesu a nga ti emile txineneni ka txona;

Mithumo 7:55 Referans Kwoze

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Mithumo 6:10

Aniko ve tandeka ku kona wuzivi wakwe ni Moya wu a nga txi womba-womba ngu wona.

Mithumo 6:8

Sitefani, a di tate ngu kateko ni mtamo, a to maha sidiwukiso ni sikombiso hagari ka vathu.

Mithumo 6:5

Txikungo txiya txi tsakisile dibutho, se konaho va to khedha Sitefani, i nga ti dikholwa da kutsana, na a di tate ngu Moya wo Sawuleka, ni Filipi, ni Prokoro ni Nikanori, ni Timoni ni Parmenasi ni Nikolawu, mlondeteli wa kuta ngu Antiyokiya.

Vahebheru 8:1

Se, msungo wa mhaka yi hi yi wombako ngu wuwa: Hi na ni Mphaxeli Wahombe wo ngeto, awu a nga khalahatsha txineneni ka txiluvelo txa wukoma nzumani.

Mithumo 2:4

Votshe va to tala ngu Moya wo Sawuleka, se va to khata kuwombawomba tidimi ta tiphya, nga tiya Moya wu nga txi va ninga kuwombawombisa tona.

Johani 12:41

Isaya a wombile mapswi awa, nguko a woni kuphatima kwakwe, se e womba-womba ngu ngene.

Masalmo 109:31

Ene i m'vhikeli wa sisiwana wa si hulukisa ka vale va lavako ku si daya.

Mithumo 6:3

Ndinene, vanathu, kukhedha hagari kwanu, mtxhanu wa majaha ni mambidi a kuthembeka ta tinene, na ma di tate ngu Moya wo Sawuleka ni wuzivi, kasiku hi va veka ve thuma mthumo wuwa.

Mika 3:8

Kambe ngu ditshuri ani ni tate ngu mtamo wa Moya wa Mkoma, ni tate ngu mapimo amanene ni txixinya, kasi kuzivisa Jakobe wuhambunyeti wakwe, ni ka Israyeli txionho txakwe.

Ezekhiyele 11:23

Se wudhundo wa Txizimu wu to guleka kukhukhela hagari ka didhoropa kala kuya hoka ka mmango wule wu ku wutxani ka didhoropa.

Ezekhiyele 10:4

Sekoko wudhundo wa Mkoma wu to khukha ngu txitimwi ka makerubhima, wu txi ya txikenini ka nyumba; se nyumba yi to tatwa ngu direfu, ni muhubhe wu to tala ngu kuphatima ka wudhundo wa Mkoma.

Mtuletelo 21:11

Di ti ni kuphatima ka wudhumo wa Txizimu. Kuphatima ka dona ku txi fanana ni ka dirigwi da lisima ngutu, kufana ni dirigwi da Jasperi do basa, nga kristali.

2 Pedro 1:17

Nguko, ene a amukete manzani ka Txizimu Tate, wudhumo ni kupfaliswa, mbimo yi di nga ta dipswi ngu kuphatimani ko xamalisa di txi ta kha dona: “Awuwa i Mwanana wangu wo randeka ngutu, awu ni tsakiswako ngutu ngu ngene.”

Mithumo 4:8

Sekoko Pedro, a di tate ngu Moya wo Sawuleka, a wombile kwawe, a txi khene: “Vafumeli va ditiko ni nanu madhota a ka Israyeli:

Johani 14:3

Se ni di tsute, ni txi ya mi lulamisela wukhalo, ni na wuya kambe, ni ta mi teka, mi ya zumba kumweko ni nani, kasiku, ahawa ni ku kona ani, mi txi va mi di konaho nanu.

Ezekhiyele 10:18

Sekoko wudhundo wa Mkoma wu to khukha ngu ha txikeni ka nyumba, wu txi ta ema txitimwi ka makerubhima.

Ezekhiyele 3:23

Se ni to khukha ni tsula mkovani, wona taku koneyo ku ti ni wudhundo wa Mkoma, wo fana ni wudhundo wule ni nga wu wona hafuni ni mnambo wa Kebhari; se ni to wa ngu khohe.

Johani 11:41

Ngu msana va to thavisa dirigwi da diyiva, se Jesu e gula maso akwe, e wona nzumani, a txi khene: “Tata, na ku bonga, nguko u ni engisile.