Mithumo 7:51 - Bhiblia Yo Sawuleka

⁵¹ “Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Mithumo 7:51 Referans Kwoze

Dhewuteronome 10:16

Yisani wukwerani timbilu tanu, mi si bangisi tithamo tanu.

Levhi 26:41

nani ni tsimbilete kule navo, kambe ni va mahile ve wulela ka ditko da valala vawe; sekoko ngako timbilu tawe ta wukhutu ti txi hunduluka, va txi tumela ngu wunene txitsayiso ngu wubihi wawe,

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Jeremiya 4:4

Mahani Sithiva ka Mkoma, mi thavisa didhowo da timbilu tanu, anu vavamna va ka Judha, ni vaaki va Jerusalema. Kasi kuhenya kwangu ku si vhutuki nga mndilo, wu turako ha kaku wu si timwi, ngu mhaka ya kubiha ka mithumo yanu.

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Eksodha 33:5

Sekoko Mkoma a wombile ka Mosi a txi khene: “Womba ka vanana va ka Israyeli u txi khawe: Mi vathu va timbilu to banga. I ti ku ni ti kova hagari kwanu ngu mbimonyana, nga ni di mi lovisile. Ti di ngeto, thavisani sotshe simaha sanu sa bombo, kasi ni txi wona atile ni felako ku ti maha ngu ngamu.”

Eksodha 32:9

Mkoma a wombile kambe ka Mosi a txi khene: “Na wona ati to vathu vava i vathu va mapimo o banga.

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Eksodha 33:3

tsula ka dona ditikodo, adile di khulungako masi ni wulombe. Aniko ani na mbi tsula ni nanu, nguko anu mi vathu vo banga misungo, ni nga thuka ni txi mi lovisa hagari ka nzila.”

Mithumo 6:10

Aniko ve tandeka ku kona wuzivi wakwe ni Moya wu a nga txi womba-womba ngu wona.

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

Vakolosa 2:11

kwakwe kambe, mi yisilwe wukwerani, i si nga wukwera wo mahwa ngu manza a vathu, aniko mbukwera wa wukristu, wu wu hi thusako ka nyama yi yi onhako.

Varoma 2:25

Kha ditshuri, wukwera wa vhuna, ngako u txi veketa mlayo, kambe ngako u di mndaki wa mlayo, wukwera wako wu na va wu di phindukile wu maha wukhutu.

Mithumo 7:39

Awule vatate vathu va nga lamba ku mu engisa, senikoko va to mu rethela kule, ve tshumelela Egipta ngu mialakanyo yawe,

Mithumo 7:27

Se awu a nga ti xanisa mkwawe a to retha Mosi, a txi khene: ‘I mani wu a nga kumaha mfumeli ni mlamuli txitimwi kwathu kani?

Mithumo 7:9

“Se vanana vava va Jakobe i ku vanyampande vathu va to va ni wukwele ka Josefa, ve mu xavisa, e yiswa Egipta, kambe Txizimu txi ti ni nene.

Ezekhiyele 44:9

Mkoma Txizimu a khene: Ni wammweyo wu i ku dikhutu mbiluni mwendo nyamani, kha na mbi wulela nyumbani kwangu ko sawuleka, ka ni wihi wa vamatiko vale va no maneka hagari ka vanana va ka Israyeli.

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

Dhewuteronome 31:27

Nguko ani na di ziva dihanyo dako da wuhurupha ni kukanyisa kwako; hambi nyamsi, ni ku ngadi ni txi hanya kumweko ni nanu, mi ku siphukuphuku ka Mkoma; se mi na txani, ngako ni di fite kani?

Ezekhiyele 2:4

Se vanana mba tikhohe to thuvika, ni timbilu to banga; se ni kuruma ka vona, u na ya va gela ku khawe: Mkoma Txizimu a womba tiya.

Jeremiya 17:23

Vona kha va engisa, hambi kuhuphuta tinzeve tawe; aniko va to bangisa tithamo tawe, kasi va si engisi, ni kwa mbi amukela kulaywa.

Isaya 48:4

Nguko ni ti tiziva ta ku u bangi msungo, thamo yako yi fana ni msiha wa simbi, ni mbanza yako yi fana ni suku.

Masalmo 75:5

“Mi nga wukeleni Txizimu, mi nga ti maheni siphukuphuku, ngako mi txi bwabwata.”

Nehemiya 9:16

Hambi keto vona, vatate vathu va to ti kulisa, ni ku ti nemelisa kuthumani kwawe, va si engisi milayo yako.

2 Makronika 30:8

Mi nga bangiseni tithamo tanu kufana ni vatate vanu kambe ningelani dianza danu ka Mkoma se mi wulela amu ka wukhalo wo sawuleka awu ene a nga wu basisa ngu ha ku si gwitiko, mi thumela Mkoma Txizimu txanu, kasi ku kuhenya kwakwe kuhambuka kwanu.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Dhewuteronome 9:13

Mkoma a to engeta a txi khene: “Ni woni to vathu vava, mbathu va dihanyo do biha.

Dhewuteronome 9:6

Ti zive koko tito, Mkoma, Txizimu txako, kha ku ningi walo ditiko diya da dinene, di maha dako, nguko anu va ka Israyeli, mi vathu va misungo yo banga.

Eksodha 34:9

a txi khene: “Mkoma, ngako ani ni di mani kukateka masoni kwako, tsimbila kumweko ni nathu, hambiko vathu vava i ku va misungo yo banga, divalela wubihi wathu ni sionho sathu, u txi hi fuya, hi va thomba yako.”

Mithumo 7:35

“Mosi wuwa ngene wu va nga mkanyisa, va txi kha vona: ‘I mani wu a nga kumaha mfumeli ni mlamuli wathu kani?’ ” Ngene wu a nga rumwa ngu Txizimu kumaha mfumeli ni mtiruli wawe, ngu mtamo wa ngelozi yi yi nga mu humela txipoponi.

Mitengo 27:14

Ngako mi nga ni eyisa txiwulani ka Zimi, kuhenyani ka msengeletano, mbimo yi ni nga ruma ku u ni phaxela matini, masoni kwawe: (Awa mati a Meribha wa Kadhesi, txiwulani ka Zimi).

2 Vafumeli 17:14

Hambiko kha va mu engisa; va to ti nemelisa kuthumani kwawe, nga mathumelo a vatate vawe, va nga mbi kholwa ka Mkoma, Txizimu txawe.