Mkoma a to di tsanisisa toneto dipswi dile a nga ti di wombile; nguko ni emile ka wukhalo wa tate wangu Dhavhidha, ni khalahatshile ka txitulu txa wukoma txa ka Israyeli, nga ha a nga womba Mkoma; se ni akete nyumba ditina da Mkoma, Txizimu txa Israyeli.
Solomoni a to khata kuaka Nyumba ya Mkoma kona Jerusalema, ka mmango wa Moriya, ka wukhalo awu Dhavhidha tate wakwe, a nga ti wusawute ani Orinani, nguko ngu hawa Mkoma a nga ti wonekisa kona ka Dhavhidha.
Se ku to maheka taku, ngako Dhavhidha a di zumbile nyumbani kwakwe, a to gela mprofeti Nathani, a txi khene: Wona taku, ni zumba mu ka nyumba yo akwa ngu mikedhari, kambe dibhokiso da txitumelelano txa Mkoma, di zumba ditendani.
Hiramu, mfumeli wa Tiro, a to rumela sithumi sakwe ka Solomoni (nguko a nga pfa taku Solomoni a totilwe wukoma wukhaloni ka tate wakwe), nguko Hiramu a ti dhunda Dhavhidha.
Ti mahekile tito, ngu dilembe da 480, msana ka kuva vanana va ka Israyeli va di humile ngu Egipta, ka dilembe da wumune Solomoni a txi fumela Israyeli, ka mtxima wa zive (awuwa mtxima wa wumbidi), Solomoni a to khata kuaka Nyumba ya Mkoma.
