Mithumo 7:45 - Bhiblia Yo Sawuleka

⁴⁵ ditenda diya, ngako vatate vathu va di di amukete, va to wulela nado, na va txi thangelwa ngu Joxuwa, ka ditiko da vamatiko, avava Txizimu txi nga ti va tovete, masoni ka vatate vathu; dona di zumbile konaho kala kuhoka masiku a Dhavhidha,

Mithumo 7:45 Referans Kwoze

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Mithumo 13:19

Ngako txi di fuvisile mtxhanu wa mifumo ni yimbidi ditikoni ka Kanana, txi to va ninga ditiko dile, di maha thomba yawe,

Joxuwa 24:18

Mkoma ngene a nga tutumisa mifumo yotshe masoni kwathu kumweko ni Vaamori, avale va nga ti akile amu ditikoni. Ngu kumaha yeto, athu nanathu hi na khozela Mkoma, nguko ene ngene i ku Txizimu txathu.”

Joxuwa 23:9

Kunene Mkoma a tutumisile, masoni kwanu, mifumo ya hombe ya mtamo, kha nga ho ni wammweyo a mi tsanelako kala ka yiya mbimo.

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Vahebheru 4:8

Ngu toneto, idiku Joxuwa a ti va ningile kuhumula koneko nga Txizimu txi sa engeta txi txi womba-womba ngu dimwani ditshiku msana keto.

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

Nehemiya 9:24

Ngu kumaha keto, vanana vawe va to wulela ka dona ve di teka; se u wisile hahatshi masoni kwawe, vahanyi va ditiko dile, i ku Vakanana, u va ningela manzani kwawe, ni vafumeli, ni vathu va ditiko, kasi ku va Israyeli va na maha kuranda kwawe ngu vona.

1 Makronika 21:29

Nguko ditenda da Mkoma, dile Mosi a nga gwimba txiwulani, ni txiluvelo txa mphaxo wa kuhiswa, ka yona mbimo yile, si ti ti mmangoni ka Gibheyoni.

1 Makronika 16:39

Se mphaxeli Zadhoki, ni vanawe, vaphaxeli, a to va veka masoni ka Nyumba ya Mkoma, ka wukhalo wo guleka wule wu nga ti Gibheyoni,

1 Vafumeli 8:4

Kambe va to yisa txitimwi dibhokiso da Mkoma, kumweko ni ditenda da msengeletano, kumweko ni sotshe siya so sawuleka si nga ti tiho ditendani, ngu vona vaphaxeli ni Valevhi va nga si kwelisa.

1 Samuwele 4:4

Sekoko ku to rumelwa vathu vo ya Silo, veya teka dibhokiso da txitumelelano txa Mkoma wa Mabutho a Tiyimbi, di di zumbako hagari ka makerubhima; aniko vanana vambidi va Eli, i ku Hofini ni Finiyasi, va ti koneho ni dibhokiso da txitumelelano txa Txizimu.

Valamuli 18:31

Ngu kumaha keto, txithombe txile txo vatwa txile txo mahwa ngu Mika, va to ti emisela, ka otshe masiku ale Nyumba ya Txizimu yi nga txi maneka kona Silo.

Dhewuteronome 32:49

“Kwela ka mmango wuwa wa Abharimu, txitimwi ka mmango wa Nebho, ditikoni ka Mowabhi, masoni ka Jeriko, kambe wonisisa ditiko da Kanana, adi ani ni di ningelako di txi lumba vanana va ka Israyeli.

Masalmo 80:8

U wuyisile ngu Egipta mndonga wa m'vhinya, u tutumisile vathu va mahedheni, u txi wu phaya.

1 Makronika 7:27

mwana Nune, mwana Joxuwa.