Mithumo 7:43 - Bhiblia Yo Sawuleka

⁴³ Kambe mi rwate m'dhuti wa Moloke ni nyeleti ya txikwembu txanu Refani. I ku sithombe si mi nga si maha kasi ku si khizamela. Ngu konaho ni na mi payula ni mi yisa ka kupinda Bhabhilona.

Mithumo 7:43 Referans Kwoze

2 Vafumeli 21:6

A zile e hisa mwanana wakwe ha mndiloni, i ti ti wa txiñangañanga, a txi xaxuva ngu marefu, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku muwusela kuhenya.

2 Vafumeli 18:11

Se mfumeli wa Asiriya a to teka Israyeli e mtsulisa Asiriya; kambe a to va maha ve tsuliswa Hala ni Habhori, hafuhi ni mnambo wa Gozani, ni ka madhoropa ya Vamidhiyani.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

Levhi 18:21

U nga ningele ni mmweyo wa vanana vako, va txi mahwa mphaxo ka Moloke; nguko ngu nyenyezisa ditina da Txizimu txako! Ani ngani Mkoma!

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Amosi 5:25

Mi ni ningile mphaxo ni miningelo txiwulani, ka mune wa magumi a malembe, anu vanana va ka Israyeli kani?