Mithumo 7:42 - Bhiblia Yo Sawuleka

⁴² Aniko Txizimu txi to va tshuralela txi va ningeta kukhozelani ka sikwata sa tiyimbi sa nzuma, nga ti ti nga bhalwa dibhukuni ka Vaprofeti, va txi khene: Anu va nyumba ya ka Israyeli, ina mi ni mahete magandelo ni timhamba txiwulani, mndani ka malembe a mune wa magumi kani?

Mithumo 7:42 Referans Kwoze

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Jeremiya 19:13

Tinyumba ta Jerusalema ni tinyumba ta vafumeli va ka Judha, ti nava ni nzambwa, nga wukhalo wa Tofeti; kumweko ni tinyumba ti di nga hiselwa txitimwi ka tona dibaselo ka dotshe dibutho da nzuma, eho va nga ningela miningelo ya so sela ka simwani sizimu.

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Mithumo 7:36

Ngene a nga va humisa ngu kumaha sidiwukiso ni sikombiso ditikoni ka Egipta, ni Lineneni ko Bhilivila, ni txiwulani, mndani ka mune wa magumi a malembe.

Hoseya 4:17

Efrayime a ningetwe ka sithombe; mlekeni.

Ezekhiyele 8:16

Se a to ni yisa ka mthanda wa mndani ka Nyumba ya Mkoma, wona taku ha txikeni ka Dithepele da Mkoma, hagari ka m'hubhe ni txiluvelo, ku ti ti ni mtengo wo dingana magumi mambidi a vavamna ni mtxhanu, va nga ti ti tshuralete Dithepele da Mkoma, tikhohe tawe ti txi rendekela wutxani; kambe va ti ti khozela ditambo va di rendekete wutxani.

Isaya 66:4

Kambe ani ni va maha ve kanganyiseka, ni na tisa kuthava txitimwi kwawe, nguko ni dhani, aniko kha ka xamula ni wammweyo, ni wombawombile, aniko kha va engisa, kambe va mahile to biha masoni kwangu, se ve sawula ti ani ti nga si ni tsakisi.

Joxuwa 24:20

Ngako mi txi hambana ni Mkoma, mi txi khozela simwani sizimu, ene a na mi wukela, a txi mi tsayisa, a txi mi fuvisa, hambiko a nga khata ngu ku mi mahela wunene.”

Ezekhiyele 20:25

Nguko ni va ningile sileleto sa kuva i nga si nga sa sinene, ni milayo yile va nga ti si dingani kuhanya ngu yona;

Masalmo 95:10

Mune wa magumi a malembe ni swirekile,” niza ni txi khani: “Vathu vava va timbilu tawe ta va timeta, kambe kha va si zivi sileleto sangu!”

2 Vafumeli 21:3

Nguko a to tshumela e aka siluvelo sile si nga ti khundumusetwe ngu tate wakwe Ezekhiya, a to akela siluvelo Bhahali, e maha txithombe txo nga txile txi nga ti mahilwe ngu Akabe, mfumeli wa ka Israyeli, e nama masoni ka otshe mabutho a nzumani, e ma thumela.

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.

Dhewuteronome 17:3

e thumela simwani sizimu, ni kukhizama masoni ka sona, masoni ka ditambo, ni ka mtxima, mwendo ka dotshe dibutho da nzumani, ati ani ni nga mbi leleta;

Isaya 43:23

Khwa ni tisela sifuyo sa sidotho sa miningelo ya kuhiswa, mwendo ku ni dhunda ngu miphaxo yako; kha na kunemetisela ngu miningelo, hambi ku ku rera ngu dibaselo.

Vahebheru 3:9

Ahawa vatate vanu va nga ni duka kona, kasiku va txi ni xola, ve wona mithumo yangu, mndani ka mune wa magumi a malembe.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Johani 6:45

Ti bhatwe ka mabhuku a vaprofeti, va txi kha vona: Votshe va na gondiswa ngu Txizimu. Wuhi ni wuhi a nga engisa Tate, a txi amukela sileleto sakwe, wata kwangu.

Mithumo 13:40

Ngu konaho, ti woneleni kasiku ti si mi humeleli ati ti nga wombwa ngu vaprofeti, tito: