Mithumo 7:38 - Bhiblia Yo Sawuleka

³⁸ Ngu mbimo ya kusengeletana ka va ka Israyeli txiwulani, ngene Mosi a nga ema ni ngelozi, ayi yi nga womba-womba nayo mmangoni ka Sinayi, kumweko ni vatate vathu; ngene a nga amukela mapswi a wutomi, kasi ku ta hi ninga ona.

Mithumo 7:38 Referans Kwoze

Varoma 3:2

Kasi wukwera wu vhuna txani? Wa vhuna ngutu ngu otshe madhawa. Mhaka yo khata ngu kuwa sithembiso sa Txizimu si nga vekwa manzani kwawe.

Vahebheru 5:12

Nguko, ti ti mi fanete ngu kale kuva mi di vagondisi, kambe ni konkuwa mi ngadi mi txi fanela kugondiswa makhato a timhaka ta Txizimu. Mi hindukile mi txi maha vathu va va fanelwako ngu masi, i si nga ngu sakudya so banga.

1 Pedro 4:11

Awu a wombawombako, a na womba-wombe ngu kulondisa dipswi da Txizimu. Awu a thumako a na thume madingano ni txyavelo txi a nga hiwa ngu Txizimu, kasiku, Txizimu txi pfaliswa ka sotshe somaha, ngu Jesu Kristu, i ku ene a lumbwako ngu kupfaliswa, ni mtamo, ngu ha ku si gwitiko. Amen!

Mithumo 7:53

anu mi nga amukela mlayo manzani ka tingelozi, kambe kha ma wu xayisa.”

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Dhewuteronome 33:4

Mosi a hi ningile mlayo, awu i kuthomba ya msengeletano wa Jakobe.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Vahebheru 4:12

Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

Vahebheru 2:2

Nguko, ngako dipswi di di nga wombwa ngu tingelozi ka vatate vathu di di tsani, ngako kambe kotshe kundaka ka mlayo ni kotshe kueyisa kudimani txitsayiso txi txi dinganako,

Vagalatiya 3:19

Idito, Mlayo wu thumile txani kani? Wu ningilwe msana ka mbimo ngu mhaka ya wuhambunyeti, kuza kuhumelela lixaka li, txithembiso txi nga mahelwa lona. Mlayo wu tisilwe ngu tingelozi manzani ka mtshanganisi.

Varoma 9:4

i ku va ka Israyeli, ava va nga sawulwa ve mahwa vanana va Txizimu, va txi ningwa wudhumo, situmelelano, mlayo, wukhongeli, ni sithembiso;

Mithumo 7:35

“Mosi wuwa ngene wu va nga mkanyisa, va txi kha vona: ‘I mani wu a nga kumaha mfumeli ni mlamuli wathu kani?’ ” Ngene wu a nga rumwa ngu Txizimu kumaha mfumeli ni mtiruli wawe, ngu mtamo wa ngelozi yi yi nga mu humela txipoponi.

Mithumo 7:30

“utingako ku di pindile mune wa magumi a malembe, ngelozi yi to ti wonekisa kwakwe txiwulani, mmangoni ka Sinayi, yi di mdhikilani ka txipopo txi nga ti tura.

Johani 6:63

Moya ngu wona wu hanyisako, kasi mmidi kha wu vhuni txilo. Mapswi awa ni nga mi gela i moya ni wutomi.