Mithumo 7:35 - Bhiblia Yo Sawuleka

³⁵ “Mosi wuwa ngene wu va nga mkanyisa, va txi kha vona: ‘I mani wu a nga kumaha mfumeli ni mlamuli wathu kani?’ ” Ngene wu a nga rumwa ngu Txizimu kumaha mfumeli ni mtiruli wawe, ngu mtamo wa ngelozi yi yi nga mu humela txipoponi.

Mithumo 7:35 Referans Kwoze

Luka 19:14

Aniko vathu va ditiko dakwe va ti mu vengela, ve ruma mitumi msana kwakwe, kuya womba tito: ‘Kha hi ti lavi kufumwa ngu m'thu wuwa.’ ”

Masalmo 75:7

Nguko Txizimu ngu txona i ku mlamuli: Vamwani txa va abanisa, aniko vamwani txa va txhatxha.

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

Eksodha 14:19

Ka mbimo yoneyo, Ngelozi ya Txizimu, ayi yi nga ti thangela mabutho a va ka Israyeli, yi to khukha yi txi zumbela msana kwawe. Ni yona phande ya direfu yi to guleka yi txi khukha masoni kwawe yi ta manekela msana;

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Vahebheru 2:2

Nguko, ngako dipswi di di nga wombwa ngu tingelozi ka vatate vathu di di tsani, ngako kambe kotshe kundaka ka mlayo ni kotshe kueyisa kudimani txitsayiso txi txi dinganako,

Vakolosa 1:15

Kristu i Txifaniso txa Txizimu txi txi si wonwiko, Matiwula a sotshe sivangwa,

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Mithumo 7:30

“utingako ku di pindile mune wa magumi a malembe, ngelozi yi to ti wonekisa kwakwe txiwulani, mmangoni ka Sinayi, yi di mdhikilani ka txipopo txi nga ti tura.

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Mithumo 3:22

Mosi a wombile, a txi khene: ‘Mkoma, Txizimu txanu, a na mi humisela, hagari ka vananu, mprofeti wu a fanako ni nani, mi na mu engisa ka totshe ti a mi gelako tona;

Mithumo 2:36

“Ngu konaho, ta laveka ti to yotshe nyumba ya Israyeli yi tiziva ngu ditshuri da kutsana timhaka tiya: Txizimu txi mwusile Mkoma ni Mesiya, ene Jesu Kristu wu anu mi nga mu gogotela ha txihambanoni.”

Johani 19:15

Kambe vona va to khata kukwangula, va txi kha vona: “A na fe! A na fe! Mu bethele ha txihambanoni!” Konaho Pilato a to khene: “Ni na bethela ha txihambanoni mfumeli wanu kani?” Aniko vaphaxeli va hombe va to xamula, va txi kha vona: “Athu kha hi nga ni mmwani mfumeli, hahanze ka Khezari.”

Johani 18:40

Sekoko vona va to kwangula, va txi kha vona: “U nga thuse eyo, thusa Bharabhasi!” Kasi Bharabhasi wuwa i ti ti dikhamba.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Masalmo 77:20

U tsimbitisile vathu vako kota m'dyisi wa mtxhambi, ngu manza a Mosi ni Aroni.

1 Samuwele 12:8

Mbimo yile Jakobe a nga wulela Egipta, vatate vanu va to dila ka Mkoma, se Mkoma a to rumela Mosi ni Aroni, i ku vona va nga humisa vatate vanu Egipta ve ta va veka ka wukhalo wuwa.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Eksodha 33:2

Ni na ruma ngelozi yi txi thangela masoni kwako (ni na humisa hahanze Vakanana, Vaamori, Vaheti, Vaferezi, Vahevhi ni Vagebhuzi),

Eksodha 32:34

Tsula koko konkuwa, thangela vathu u txi ya ha ni nga kuleleta kona. Ngelozi yangu yi na thangela masoni kwako. Aniko ka ditshiku di ni nota thethisa, ni nata va tsayisa ngu txionho txawe.”

Eksodha 14:24

Ngu mbimo ya mixo, Mkoma a to wona ngu mu ka phande ya mndilo ni ya direfu ngu didhawa da wugovelo wa Vaegipta, se e va vinganyisa.

Eksodha 2:14

Ene a to xamula a txi khene: “I mani a nga kuveka kumaha wa hombe, ni mthethisi hagari kwathu kani? Se u lava ku ni daya nani, nga kule nyamnova u nga daya Muegipta kani?” Sekoko Mosi a to dhuka, a txi khene: “Mhaka yi zivilwe!”

Marku 12:26

Ngako i di vafi ni kuwuka kwawe ina kha ma gonda dibhukuni ka Mosi, ngu tiya Txizimu txi nga womba nayo txipoponi txi txi kha txona: ‘Ngani Txizimu txa Abrahamu, Txizimu txa Isaake, Txizimu txa Jakobe?’