Mithumo 7:16 - Bhiblia Yo Sawuleka

¹⁶ Kambe sirumbi sawe si rwatwe si yiswa Sikemi, si ya tshotshwa diyivani ka Abrahamu, adiya a nga ti di xavile ngu male ya silivhela ka vanana va Hemori, tate wa Sikemi.”

Mithumo 7:16 Referans Kwoze

Joxuwa 24:32

Marambu a Josefa, aale vanana va ka Israyeli va nga ta nawo ngu Egipta, va ma kelete Sikemi, ka txitikwana txiya, Jakobe a nga ti xavile ka vanana va Hamori, tate wa Sikemi, ngu male ya dizana ya tisilivhela, se txitikwana txiya txi maha thomba ya vanana va ka Josefa.

Genesisi 23:16

A di ti pfite eto Abrahamu ngu ka Efroni, Abrahamu a to mpimela male ya silivhela, yi a nga yi womba masoni ka vanana va Heti, ya 400 wa maxekele a silivhela, male yi nga ti ti thumiswa ka vaxavisi.

Eksodha 13:19

Mosi a tekile ni marambu a Josefa nguko ene a ti xambanyisile vanana va ka Israyeli ngu mtalo wawe tito: “Ngu ditshuri Txizimu txi nata mi thavisa; tekani marambu angu mi txi tsula nawo.”

Genesisi 50:13

Va mtekile va txi m'yisa ditikoni ka Kanana, veya mtshotsha diphalani ka thembwe ya Makipela, ayi Abrahamu a nga yi xava ka Efroni, Muheti, kasiku yi maha wukhalo wo tshotsha ka wona masoni ka Mambre.

Genesisi 35:19

Rakeli a to fa, se e kelelwa hafuhi ni nzila ya kuya Efrata, i ku Bhetlehema.

Genesisi 23:4

“Hagari kwanu ani ni muwuyi, ni mluveli, ni kombela wukhalo, kasi ku nave mathithani ko ni lumba, tito, ni na tshotsha kona mfi wangu.”

Genesisi 47:30

Ngako ni txi fa ni teke u ni humisa ditikoni muwa ka Egipta u txi ya ni tshotsha wukhaloni ka vatate vangu, kasiku ni txi otela kumweko navo. Ene a to womba, a txi khene: Ina ni na maha ti u ti wombako.

Genesisi 50:12

Vanana va Jakobe va mahisile ti ene a nga va gelisa tona.