Mithumo 6:9 - Bhiblia Yo Sawuleka

⁹ Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Mithumo 6:9 Referans Kwoze

Mithumo 23:34

Mkoma a to gonda dipapilo, se e wotisa ku Paulo mbwa txihi txifunda ditikoni ka Roma kani; ngako a di pfite ku mbwa Kilikiya, a to khene:

Mithumo 22:3

“Ani ni Mujudha. Ni velekelwa Tarso ka Kilikiya. Aniko ni kulete ka dona didhoropa diya, ni txi gondiswa ngu Gamaliyeli kuveketa ta tinene Mlayo wa vatate vathu, ni ti ni kukhutala ka hombe ngu timhaka ta Txizimu, nga tiya na nanu motshe mi mahako nyamsi.

Mithumo 15:41

Se a txi pinda ngu ka matiko a Siriya ni Kilikiya, a txi tsanisa mabanza.

Mithumo 15:23

Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!

Matewu 27:32

Se va di humile, va to mana m'thu wa mwamna, wa Kirene, a nga ti dhanwa ku i Simoni, ve mu kurumeta kupakata txihambano txa Jesu.

Vagalatiya 1:21

Msana ka toneto, ni to tsula ka maphambo a Siriya ni Kilikiya.

Mithumo 21:27

Ngako ma di hafuhi ni kuguma masiku ale a mtxhanu ni mambidi, Vajudha va Aziya, ngako va di mu engisile Dithepeleni, va to kujetela dibutho, va txi mñola,

Mithumo 19:10

Timhaka tiya ti tsimbitisile tonatiya kala kuguma malembe mambidi; ahawa va nga za ve kholwa votshe vathu va Aziya, Vajudha ni Vagriki, ngu kupfa dipswi da Mkoma.

Mithumo 18:24

Mujudha wokari a dhanwako ku i Apolosi, awu a nga velekelwa Alexandriya, a ti tile Efesu. I ti m'thu wa kuziva kuwombawomba ni kuziva Mibhalo.

Mithumo 16:6

Paulo ni Silasi va to pinda ngu Frigiya ni Galatiya, nguko Moya wo Sawuleka wu ti va tsimbile kutxhumayela Dipswi ditikoni ka Asiya.

Luka 21:12

Aniko ti sinzi kumaheka totshe tiya, va na mi ñola, va txi mi xanisa, va txi mi ningela masinagogani, va txi mi sekela mikorani; va na mi yisa ka vakoma ni vafumeli ngu mhaka ya ditina dangu;

Marku 13:9

“Kambe anu ti woneleni, nguko va na mi ningela mabanzani ko lamulwa, ni masinagogani, mi na kwapelwa, mi emiswa masoni ka tinduna ni ka vafumeli ngu mhaka yangu, kasiku mi va tifakazi tangu masoni kwawe.

Matewu 10:17

Ti woneleni ka vathu, nguko va na mi mangalela ha banza, va na mi kwapa masinagogani kwawe,

1 Vakorinto 1:20

Kasi txhari yi hani kani? Txizivi txa mlayo txi hani? Awu a dhundako kukanetisana ni vamwani ngu sa ha mafuni ahani kani? Ina Txizimu kha txa wu wona i di wuhundwa wutxhari wa mafuni muwa kani?

Mithumo 26:11

Sikhati sasingi, mbimo yi ni nga ti tsimbilatsimbila ka otshe masinagoga, ngu tshofu ni ti va kurumeta kuruketela Txizimu; se ngu kuhenya ko pindisa, ni ti va xanisa hambi madhoropani ka mamwani matiko.”

Mithumo 22:19

Ani ni xamute ni txi khani: ‘Mkoma, vona va tiziva ti to ngani ni nga ti tsimbila masinagogani, ni ñolela ni va khotela mkorani ni ku va kwapela, ava va kholwako kwako;

Mithumo 21:39

Aniko Paulo a to khene kwakwe: “Ani ni Mujudha, ni huma Tarso ka Kilikiya, ni velekelwa ka didhoropa di di ku ni nduma yo va i si nga ya yidotho. Na kombela u txi ni tumelela kuwombawomba ni va ditiko diya.”

Mithumo 19:26

kambe ma ti wona ni ku tiengisa va txi womba ti taku Paulo wuwa wa kujetela vathu, votala, i si nga Efesu muwa dwe, aniko a lavile kueneta dotshe ditiko da Aziya, a txi va hambukisa ngu ku va gela ku khene sizimu si si mahwako ngu manza athu, hi nga sizimu sa txilo.

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

Mithumo 13:1

Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Mithumo 11:20

Hambi keto, hagari kwawe, ku ti ni vavamna va Kipra ni va Kirene, avava va nga wulela Antiyokiya, ve womba-womba kambe ni ka Vagriki, ve va txhumayela Evhangeli ya Mkoma Jesu.

Matewu 23:34

“Ngu konaho, na mi rumela vaprofeti, titxhari ni vabhali. Mi na daya vamwani kwawe mi va bethela ha txihambanoni, mi na kwapela vamwani masinagogani kwanu, mi na va xanisa va txi pepeseka ngu ka didhoropa ni didhoropa.

Mithumo 6:10

Aniko ve tandeka ku kona wuzivi wakwe ni Moya wu a nga txi womba-womba ngu wona.

Mithumo 24:18

Ngu yoneyo mbimo va nga ta ni mana Dithepeleni na ni di ti basisile: Ku ti si nga ni dibutho hambi diguwa.