Mithumo 6:6 - Bhiblia Yo Sawuleka

⁶ Va to va emisa masoni ka Vapostoli, se vona ve va mahela mikombelo ni ku va sanzeka manza.

Mithumo 6:6 Referans Kwoze

2 Timoti 1:6

Ngu konaho, na ku layetela ti to u txi wuseta txihiwa txa Txizimu, atxi u nga ningwa ngu kuwa ni nga kusanzeka manza angu.

Mitengo 8:10

Ku nga ti u txi tshuketisa Valevhi masoni ka Mkoma, vanana va ka Israyeli va na sanzeka manza awe txitimwi ka misungo yawe.

Mithumo 1:24

Se ve khongela, va txi kha vona: “Mkoma, awe u zivako timbilu ta votshe, kombisa awu u nga mu sawula ka va va vambidi,

1 Timoti 4:14

U nga sakane ngu txiningo txi u ku natxo, atxi u nga amukeliswa ditshiku diya vahombe va dibanza va nga womba mapswi a ku kuphaxa, ve kusanzeka manza.

Mithumo 8:17

Sekoko ngu toneto, Pedro ni Johani va ti ti va sanzeka manza, se vona ve amukela Moya wo Sawuleka.

Mithumo 13:3

Sekoko ngako va di gwitile kutitona sakudya ni kukhongela, va to va sanzeka manza ve va ruma.

Mithumo 9:17

Ananiya a to tsula eya wulela nyumbani e msanzeka manza, a txi khene: “Sawule, mwanathu, Mkoma Jesu wu a nga ti wonekisa kwako hanzila, yona yi u nga ta ngu yona, ngene a nga ni ruma kasiku u tshumela u txi wona, u tala ngu Moya wo Sawuleka.”

1 Timoti 5:22

U nga tutumele kusanzeka manza m'thu kasiku u si rwali sionho sa mmwani. Awe upune ti ñole, u txi zumba u di basile mbilu.

Vahebheru 6:2

ni tigondo ta kubhabhatisa, ni ta kusanzeka ka manza, ni ta kuwuka ka vafi, ni ta kuabaniswa ko gwita.

Mitengo 27:18

Sekoko Mkoma a to gela Mosi a txi khene: Teka Joxuwa, mwana Nuni, m'thu wu aku ni moya, u msanzeka dianza dako.

Dhewuteronome 34:9

Joxuwa, mwana Nune, a to tala ngu moya wa wutxhari, nguko Mosi a ti msanzekile manza akwe. Ni vanana va ka Israyeli va to mu engisa, va txi maha totshe madingano ni ti Mkoma a nga leleta Mosi.

Marku 5:23

a txi mkombela ngu kukarateka a txi khene: “Mwanana wangu wa txihoranana a hafuhi ni kufa, ngono u ta msanzeka manza, a na kalamuka a txi hanya.”

Mithumo 9:12

se ene ngu txiwoniso a woni m'thu wu a dhanwako ku i Ananiya, a txi wulela e m'sanzeka manza, kasiku e tshumela e wona.”

Mithumo 19:6

Se mbimo yi Paulo a nga va sanzeka manza, Moya wo Sawuleka wu to txhika txitimwi kwawe, se vona ve khata kuwombawomba tidimi ni kuprofeta.