3 Ndinene, vanathu, kukhedha hagari kwanu, mtxhanu wa majaha ni mambidi a kuthembeka ta tinene, na ma di tate ngu Moya wo Sawuleka ni wuzivi, kasiku hi va veka ve thuma mthumo wuwa.
Sawulani vavamna va wuzivi, ni wutxhari, va mapimo, va zivanekako, hagari ka nyumba ni nyumba, amuwa kwanu, se ani ni na va emisa veva vathangeli vanu.”
Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.
Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.
“Koneyo ku ti ni m'thu wokari, a nga ti dhanwa ku i Ananiya, i nga ti m'thu wa wukhongeli ni mlondeteli wa Mlayo, awu a nga ti sumwa wunene ngu Vajudha va didhoropa.
Vona va to xamula, va txi kha vona: “Korneliyo, mthangeli wa dizana, awu i ku wamwamna wo lulama, a di ni txithavo ka Txizimu, awu a dhumiswako ngu dotshe ditiko da Judha, a leletilwe ngu ngelozi ya kusawuleka ya Txizimu, ku ta kudhana u ya m'tini kwakwe, kasi kuya engisa ti u no ya mu gela tona.”
Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!
Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.
Ngu konaho mhaka yiya yi to hangalaka hagari ka vanawe, ti to mgondiswa wule kha na mbi fa. Kambe Jesu kha womba tona taku khene kha na mbi fa; aniko a ti khene: “Ngako ni txi lava ku a na zumbe kala ni wuya, ku nga va i di txani kwako kani?”
Se va Digumi ni Vambidi va to ramba dibutho da vagondiswa, ve va gela tiya: “Kha ti laveki ti to hi leka kutxhumayela Dipswi da Txizimu, hi thumela timezani.
Txikungo txiya txi tsakisile dibutho, se konaho va to khedha Sitefani, i nga ti dikholwa da kutsana, na a di tate ngu Moya wo Sawuleka, ni Filipi, ni Prokoro ni Nikanori, ni Timoni ni Parmenasi ni Nikolawu, mlondeteli wa kuta ngu Antiyokiya.
Ngako hi di mani konaho vanathu, vona va to hi kombela ti to hi zumba navo mtxhanu wa masiku ni mambidi. Ngu toneto, hi nga pindisa txona hi txi ya Roma.