Mithumo 6:14 - Bhiblia Yo Sawuleka

¹⁴ nguko athu hi muengisile, a txi khene: “Jesu wa Nazareta a na fuvisa Wukhalo wuwa e txitxa ni mahanyelo awa hi nga ningwa ngu Mosi.”

Mithumo 6:14 Referans Kwoze

Mithumo 21:21

Se va ti engisile ti to awe wa gondisa Vajudha va va nga hangalaka hagari ka vamatiko ti to va na leke kulondetela Mlayo wa Mosi, u txi va gela ku khawe va nga swe ve yisa wukwerani vafana vawe, va si londeteli kambe mikhuwo yathu.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Mithumo 15:1

Sekoko vamwanyani va kuta ngu Judheya va ti ti gondisa vanawe, va txi kha vona: “Ngako mi si tumeli wukwera, kota kuruma ka Mlayo wa Mosi, kha mi na mbi sikota kuhanyiswa.”

Vagalatiya 3:23

Na likholo li sinzi kuhoka, hi ti ti seketwe hahatshi ka Mlayo, hi txi rinzela kuwonekiswa ka lona likholo.

Vagalatiya 3:19

Idito, Mlayo wu thumile txani kani? Wu ningilwe msana ka mbimo ngu mhaka ya wuhambunyeti, kuza kuhumelela lixaka li, txithembiso txi nga mahelwa lona. Mlayo wu tisilwe ngu tingelozi manzani ka mtshanganisi.

Mithumo 28:17

Msana ka masiku mararu, Paulo a to ramba va i ku vahombe hagari ka Vajudha. Ku ti ngako va di sengeletani, a ti khene kwawe: “Vanathu, hambiko ni nga mbi maha txilo txa kuhoxela ditiko dathu, hambi mikhuwo ya vatate vathu, ni ñotwe ni di Jerusalema, ni txi ningelwa manzani ka Varoma.

Johani 4:21

Jesu a to khene: “Wamsikati, tumela ti ni kugelako: Yata mbimo yi mi no mbiswa mi txi khozela ka mmango wuwa, hambi ni Jerusalema.

Luka 21:6

“Mata masiku, aawa, ka sotshe si mi si wonako, ku no mbi sala dirigwi txitimwi ka dirigwi: Sotshe si na khundumuselwa.”

Mithumo 26:3

nguko awe wa ma zivisisa otshe mahanyelo a txijudha ni totshe timhaka ti va kanetisanako ngu txona. Ngu konaho, na ku kombela u txi ni engisa kha kwati.

Mithumo 25:8

Kambe Paulo a to ti xamulela, a txi khene: “Kha na onhela mlayo, hambi Dithepele, hambi Khezari.”

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Zakariya 14:2

Nguko ani ni na tshanganisa otshe matiko, me wukela Jerusalema, se didhoropa di na tekwa, tinyumba ti na handwa, vavasikati va na gimwa; hafu ya vathu va didhoropa yi na huma yi yiswa wukhumbini, aniko miboti ya vathu kha yi na mbi tutumiswa didhoropani.

Marku 14:58

“Hi mu engisile a txi khene: ‘Ani ni na hasula Dithepele diya do mahwa ngu manza a vathu, se mndani ka masiku mararu, ni na aka dimwani do mbi mahwa ngu manza a m'thu.’ ”

Matewu 26:61

ava va nga kha vona: “Awuwa m'thu a ti khene: ‘Ni nga sikota kukhundumusa Dithepele da Txizimu ni tshumela ni di aketa ngu masiku mararu.’ ”

Zakariya 11:1

Awe Libhanoni tula matimba ako, kasi ku mndilo wu na tshokomisa mikedhari.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Jeremiya 26:12

Jeremiya a to xamula ka totshe tinduna ni ka votshe vathu, a txi khene: Mkoma a ni rumile kuprofeta ngu yiya nyumba ni diya didhoropa, ngu totshe timhaka ti mi nga tipfa.

Isaya 65:15

se mi na leka ditina danu di maha txiruko ka va sawuleki vangu; Mkoma Txizimu a na mi daya; se sithumi sakwe a na si dhana ngu dimwani ditina.

Johani 2:19

Jesu a to xamula a txi khene: “Khundumusani Dithepele diya, ani ni na di wusa ngu masiku mararu.”