Mithumo 6:10 - Bhiblia Yo Sawuleka

¹⁰ Aniko ve tandeka ku kona wuzivi wakwe ni Moya wu a nga txi womba-womba ngu wona.

Mithumo 6:10 Referans Kwoze

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

1 Vakorinto 2:4

Dipswi dangu ni kutxhumayela kwangu i ti si nga sa kukomba wuzivi wa ha mafuni, aniko i ti mapswi a kutsaniswa ngu Moya ni mtamo wa Txizimu;

Johani 7:46

Vathumi vale va to xamula, va txi kha vona: “Txima kha hi zivi kuwona m'thu wo wombisa ku nga wuwa!”

Jobe 32:8

Kha ditshuri ku ni moya ka m'thu, se ni kufuteta ka wa Mtamo-wotshe ku na va mahe titxhari.

Eksodha 4:12

Ngu toneto, tsula, konkuwa, ani ni na va ni nawe txisofuni kwako, kambe ni na kukomba ati u no bwabwata.”

Luka 1:17

A na thangela masoni ka Mkoma ngu moya ni mtamo wo fana ni wa Elija; a na wuyisa timbilu ta vaveleki ti ta manana ni ta vanana vawe; a na wuyisa vaeyisi ka wuzivi wa valulami, kasiku e lulamisela Mkoma ngamu yi yi hanelako ene.”

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Ezekhiyele 3:27

Aniko ngako ni txi womba-womba ni nawe, ni na tula txisofu txako, se u na va gela ku khawe: Mkoma a womba tiya: Awu a engisako a na engise, awu asi laviko kuengisa a na leke; nguko vona mba nyumba yo eyisa.

Jobe 32:18

Nguko ni taletwe ngu mapswi o womba; moya wangu wa ni kurumeta.

Mithumo 5:39

aniko, ngako si txi ta ngu ka Txizimu, kha mi na kusikota ku si fuvisa. Ti woneleni mi si thuki mi manwa mi txi lwa ni Txizimu.” Se vona va to mu engisa.

Mika 3:8

Kambe ngu ditshuri ani ni tate ngu mtamo wa Moya wa Mkoma, ni tate ngu mapimo amanene ni txixinya, kasi kuzivisa Jakobe wuhambunyeti wakwe, ni ka Israyeli txionho txakwe.

Jeremiya 15:20

Ni na kumaha uva diguma da msuku ka ditiko diya; va na lwa ni nawe, aniko kha va na mbi ku xula; nguko ani ni kumweko ni nawe, kuva ni kuhulukisa, kuwomba Mkoma

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Mithumo 6:11

Sekoko va to xavelela vathu kasiku ve womba ku kha vona: “Hi mu pfite a txi womba mapswi a kuruka Mosi ni Txizimu.”