Mithumo 5:9 - Bhiblia Yo Sawuleka

⁹ Sekoko Pedro a txi khene kwakwe: “Mi tumelelanisile kutxani kuduka Moya wa Mkoma kani? Wona mikondo ya va va nga tshotsha mwamna wako, ndiye ha txikeni hawa; na nawe va na kuteka.”

Mithumo 5:9 Referans Kwoze

1 Vakorinto 10:9

Hi nga dukeni Mkoma, nga vamwani va nga mu duka, se ngu toneto ve fa ngu kulumetelwa ngu minyoka.

Masalmo 78:56

Aniko Vaisrayeli va dukile Txizimu Nyatxitimwi, ve txi wukela, va si vekisi milayo ya txona.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Mithumo 15:10

Se konkuwa mi dukela txani Txizimu ngu kulava kurweka vagondiswa mpakato wu vatate vathu ni nathu hi si sikotiko ku wu rwala kani?

Luka 16:2

Se nyamne a to m'dhana a txi khene kwakwe: ‘Nda txani ti ni ti pfako ngu mhaka yako kani? Hinga txhamusela mhaka ya mthumo wako, nguko khu na mbiswa u txi maha muwoneleti wa simaha sangu.’

Matewu 4:7

Se Jesu a to mxamute a txi khene: “Ti bhatwe kambe va txi kha vona: Khu na mbi duka Mkoma Txizimu txako.”

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

Mavingu 16:5

Ni wihi a ku ni mbilu yo ti kulisa njinyenyeko ka Mkoma; hambi a txo pata dianza ka dianza, kha na mbi huluka kutsayiswa.

Mavingu 11:21

Wo biha hambi a txo pata dianza ka dianza, kha na mbi huluka kutsayiswa, aniko liveleko la vo luluma li na huluka.

Masalmo 50:18

Ngako u txi wonana ni makhokhokho wa engisana nawo, kambe wa patana ni vale va mahako wugango!

2 Vafumeli 6:32

Sekoko Elixa a ti ti khalahatshile kumweko ni madhota nyumbani kwakwe. Mfumeli a to rumela wamwamna masoni kwakwe; aniko asi se hoka m'thu wule, Elixa a to khene ka madhota ale: Mi ti woni ati mwanana wa txidayi a nga rumelisa tona ku ta wila msungo wangu kani? Wonisisani, a txi bwaka wu wo rumwa, msekeleni ditimba; ina kha ku na ku maheto i ti sigingo sa nyamne wakwe si pfalako ngu msana kwakwe kani?

Mitengo 14:22

Kambe votshe vathu ava va nga wona kuphatima kwangu, ni sixamaliso si ni nga si maha kona Egipta, ni mu txiwulani, va nga ni duka digumi da sikhati; kambe vathu vava kha va engisi dipswi dangu,

Eksodha 17:7

Se wukhalo wule a wu rayile ditina daku Masa ni Meribha, ngu mhaka ya ku phikiza kwawe vanana va ka Israyeli ni mhaka ya kuduka Mkoma, va txi kha vona: “Ina Mkoma waho mwendo kha nga ho hagari kwathu kani?”

Eksodha 17:2

Sekoko vathu va to phikizana ni Mosi, va txi kha vona: “Hi ninge mati o sela.” Mosi a va xamute a txi khene: “Ngu kutxani mi txi phikizana ni nani kani? Ngu kutxani mi txi duka Mkoma kani?”

Varoma 10:15

Va na txhumayelisa kutxani, ngako va sa rumwa kani? Nga ti ti nga bhalwa taku: “Eto yi nga tshurisa tona mikondo ya vale va txhumayelako mahungu amanene!”

Mithumo 5:6

Se mazambi ma to ta mata mu phutela, me mu rwala, me ya mu tshotsha.

Genesisi 20:13

Sekoko, mbimo yi Txizimu txi nga ni humisa m'tini ka tate wangu, ni txi pepeseka ni ditiko, ni gete msikati wangu, ni txi khani: “Ni kombela u txi ni mahela wumbilu wuwa, ka otshe makhalo awa hi no maneka hi di kona, womba ti to ani ni ndiyako.”