Mithumo 5:5 - Bhiblia Yo Sawuleka

⁵ Ngako Ananiya a di engisile mapswiyo, a to wa hahatshi efa. Se votshe va va nga tiengisa, va to tala ngu kuthava ngutu.

Mithumo 5:5 Referans Kwoze

Mithumo 2:43

Votshe vathu va txi telwa ngu kuthava ngu kuwona sidiwukiso ni sixamaliso si si nga txi mahwa ngu Vapostoli.

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Mtuletelo 11:5

Ngako m'thu a txi lava ku ti mahela wubihi tifakazi tile, ku na huma mndilo ngu txisofuni ka tona, awu wu no pfunulela valala va tona; inna, ngako m'thu a txi duketa ku ti mahela wubihi ngu tona ti a nga txi fanela kufisa tona.

2 Vakorinto 13:2

Ni mi gete kukhatani, se nga ti ni nga wombisa tona ka dipfhumba dangu da wumbidi, na engeta ni womba aku ni ku kule, ka vale va nga onha kale ni ka votshe vamwani: Ni txi tshumela ni ta, kha ni na mbi ta va ni divalelo,

2 Vakorinto 7:11

Aniko, hingani wona mihando ya kupandiseka kwanu, madingano ni kuranda ka Txizimu; kukhutala ka kona! Kutilaya ka kona! Txithavo txa kona! Kuxuxa ka kona! Kukhatala ka kona! Kutsayisa ka kona! Mi kombisile ka totshe, ti to kha mi nga ni mnandu ka mhaka yiya.

1 Vakorinto 4:21

Mi sawula txani? Mi lava ni txi mi tela ni ndonga, mwendo ni txi mi tela ni lirando ni moya wo thutha kani?

Mithumo 13:11

Wona, konkuwa diwoko da Mkoma di txitimwi kwako. U na maha dibhofu, se ngu mbimo yokari, khu na mbi ngadi u txi wona ditambo.” Kunukunuko, kuphuma ni txidema si to mu khubhunyeta; se e tenderukela e lava wo mu ñoleta ngu diwoko.

Mithumo 5:13

Hagari ka vamwanyani ku ti si nga ho wo tsana ku ti patanisa navo, kambe mtalo wa vathu va ti va dhumisa ngutu.

Ezekhiyele 11:13

Se ku to maheka taku, ni txi ngadi ni profeta, a txi fa Palatiya, mwana Bhenaya; sekoko ni to wa ngu khohe, ni dila ngu dipswi da hombe, ni txi khani: Yowe! Awe Mkoma Txizimu! U lava kuhetisa miboti ya Israyeli kani?

Jeremiya 5:14

Ngu konaho, Mkoma, Txizimu txa Mabutho a Tiyimbi, a khene: Ngako va nga womba mhaka ya ku nga tiya, wona taku ni na phemberusa mapswi angu me maha mndilo txisofuni kwako, se vathu vava ve maha tikhuni, se vona va na tshokomiswa.

Masalmo 119:120

Mmidi wangu wa dhudhumela ngu dizowa masoni kwako, ngu txithavo txi ni ku natxo ka mithetho yako!

Masalmo 64:9

Votshe va na thava, se va na xawuta mtamo wa Txizimu va txi pimisa ati txona txi nga ti maha.

1 Makronika 15:13

Ngako koko, anu mi nga mbi ti maha kukhatani, Mkoma a hi tsayisile, nguko kha ha mlava madingano ni kuleleta kwakwe.

1 Makronika 13:12

Se ka ditshiku donedo, Dhavhidha a to thava Mkoma, a txi khene: Di na tisa kutxani kwangu dibhokiso da Txizimu kani?

2 Vafumeli 2:24

Se mbimo yile Elixa a nga tshembereka e wona msana, a to va ruketela ditinani ka Mkoma. Sekoko ku to huma singwingwi ngu mu ka txitxhotxhota, si vhandamulela vafana vale va mune wa magumi ni vambidi.

Joxuwa 22:20

Mbimo yi Akane, mwana Zare, a nga maha ta walo ngu kuteka simaha so handwa, txiviti txa Mkoma kha txa tsayisa wotshe msengeletano wa ka Israyeli kani? Hi nga ene ekha Akane a nga fa ngu txionho txakwe.

Dhewuteronome 21:21

Sekoko vavamna votshe va didhoropa va na m'balisela ngu marigwi kala a txi fa. Ngu kumaha keto, u na heta wubihi hagari kwako, se votshe va ka Israyeli, ngako va txi tiengisa va na thava.

Dhewuteronome 13:11

Kasi ku votshe va ka Israyeli ve tiengisa, ve thava, ni ti to va siswi ve maha to biha, to nga toneto hagari kwanu.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

2 Vakorinto 13:10

Ni mi bhalela timhaka tiya ni di kule, kufela ku, mbimo yi ni no hoka kheyo, ni si ta thumisa tshofu, madingano ni mtamo wu ni nga ningwa ngu Mkoma, kasi kuaka i si nga kukhundumusa.