Mithumo 5:24 - Bhiblia Yo Sawuleka

²⁴ Sekoko mthangeli wa vawoneleti va Dithepele ni vaphaxeli va hombe, ngako va txi pfa mahungu awa, va to dhuka ngu ona, va txi kha vona: “Mhaka yiya yi na gumela hani?”

Mithumo 5:24 Referans Kwoze

Mithumo 5:26

Sekoko mthangeli wa vawoneleti va Dithepele ni sithumi sa dibanza, va to tsula veya va teka, kambe va si va mahi ngu mtamo, nguko va ti thava kubaliselwa ngu marigwi ngu vathu.

Mithumo 4:1

Ngako Pedro ni Johani va di ngadi va txi womba-womba ni vathu, ku to bwaka vaphaxeli ni nduna ya Dithepele ni Vasadhusi;

Mithumo 4:21

Se va to va thusa, msana ka kuva dhukisa da wumbidi, ve pwata nzila ya ku va peka ngu yona, ngu kuthava vathu, nguko votshe va ti dhumisa Txizimu ngu mhaka ya ti ti nga mahwa.

Mithumo 2:12

Votshe va to dhuka ve tshumela ve xamala, ve wotisana, va txi kha vona: “Ti womba txani tiya kani?”

Johani 12:19

Vafarisi koko va to gelana, va txi kha vona: “Hi nga wonani! Athu kha hi na mbi kota txilo. Ma ti wona ti to ditiko dotshe di londetela ene.”

Luka 22:52

Ngu msana, a to gela vale va nga ta, va di mu xomete, vaphaxeli va hombe, tinduna ta Dithepele ni madhota a ditiko, a txi khene: “Mi ta ni matxhari ni migomba, nga mi to xomela dikhamba kani?

Luka 22:4

Ene a to tsula a txi ya langana ni vaphaxeli va hombe ni tinduna ta yimbi, ati a no va ningelisa tona Jesu.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Mithumo 5:23

“Hi ti ya mana mkora wu di sekilwe ta tinene, ni vawoneleti va di emile ha txikeni; aniko ngako hi di tute, hi mani ku si nga ni m'thu kona.”

Mithumo 5:25

Se ku to bwaka mmwani e va gela ku khene: “Vathu va mi nga ti va khotete ndivaleya va emile Dithepeleni, va gondisa vathu.”