Mithumo 5:20 - Bhiblia Yo Sawuleka

²⁰ “Tsulani Dithepeleni, mi txi ya gela vathu timhaka tiya totshe ta wutomi wa wuphya.”

Mithumo 5:20 Referans Kwoze

Johani 6:63

Moya ngu wona wu hanyisako, kasi mmidi kha wu vhuni txilo. Mapswi awa ni nga mi gela i moya ni wutomi.

Johani 6:68

Simoni Pedro a to angula a txi khene: “Hi na ya ka mani kani Mkoma kani? Awe ngawe u ku ni mapswi a wutomi wo mbi guma.

Matewu 21:23

Msana keto, a to wulela Dithepeleni. Mbimo yi ene a nga ti gondisa, vaphaxeli va hombe ni madhota a ditiko va to mu yela va txi ya kha vona kwakwe: “U wu mana hani mtamo wa kumaha tiya kani? I mani a nga kuninga mtamo wo ngeto kani?”

Mithumo 11:14

Ene a na kugela timhaka ti u no hanyiswa ngu tona, awe ni wotshe mwaya wako.’

Johani 18:20

Jesu a to mu xamula a txi khene: “Mahungu angu ni ma wombete ha kubasani, ditikoni muwa. Ni khala ni txi gondisa yotshe mbimo masinagogani ni Dithepeleni, ahawa va tshanganelako kona votshe Vajudha, txi walo ni txa tximwetxo ni nga womba ngu malengo.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Johani 12:50

Kambe na tiziva ti to mlayo wakwe mbutomi wo mbi guma; se ati ni ti wombako, ni ti womba nga ti Tate a nga ni gelisa tona.”

Jeremiya 36:10

Bharuke koko a to gonda amu ka dibhuku timhaka ta Jeremiya Nyumbani ka Mkoma, amu wukhaloni ka Gemariya, mwana Xafani, m'bhali, habanza ka txitimwi ka txike txa txiphya txa Nyumba ya Mkoma, a txi di gonda tinzeveni ka vathu votshe.

Jeremiya 26:2

Ema ngu mthandani ka Nyumba ya Mkoma, u txi womba-womba ka vathu va miti ya ka Judha, ava va tako kuta khozela Nyumbani ka Mkoma, ka totshe timhaka ti ni nga kuruma kutxhumayela kwawe, u nga siye ni ya yimweyo.

Jeremiya 7:2

Ema ha txikeni ka Nyumba ya Mkoma, na u txi peka nyiwo eho ngu mhaka yiya, u txi khawe: Engisani mhaka ya Mkoma, anu motshenu va ka Judha, mi wulelako ngu sike siya ku ta khozela Mkoma.

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Johani 17:8

Nguko ni va ningile mapswi awa awe u nga ni ninga, se vona va ma amukete; va tiziva ngu ditshuri ti to ni ta ngu kwako, kambe va tumela ti to ngawe u nga ni ruma.

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Ezekhiyele 33:7

Awe koko mwanana wa m'thu, ni kumahile muwoneleli wa nyumba ya ka Israyeli; awe koko u na engisa dipswi da txisofuni kwangu, u na zivisa kwakwe wukhaloni kwangu.

Matewu 10:27

Ati ni mi gelako txidemani, ti wombeni kuwonekelani ka mitshikari; ani ti mi lengelwako tinzeveni kwanu, ti nuweleni txitimwi ka siroro sa tinyumba.”

Mithumo 13:26

“Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.