Mithumo 5:12 - Bhiblia Yo Sawuleka

¹² Ku ti mahwa sikombiso ni sidiwukiso sasingi hagari ka vathu ngu manza a vapostoli. Otshe makholwa ma ti tshangana m'hubheni ka Solomoni, ngu mpatano wa lirando.

Mithumo 5:12 Referans Kwoze

Mithumo 19:11

Txizimu txi ti thuma ngu manza a Paulo sidiwukiso so xamalisa ngutu,

2 Vakorinto 12:12

Sikombiso sa wupostoli wangu si wonekisilwe kwanu, ngu kotshe kutimisela, ngu sikombiso, sidiwukiso, ni sixamaliso.

Vahebheru 2:4

ku txi fakazelwa kambe ngu Txizimu, ngu sikombiso ni sixamaliso, ngu sidiwukiso sa totshe tixaka ni siningo sa Moya wo Sawuleka, asi si phakelwako madingano ni kuranda ka txona.

Mithumo 14:3

Hambi keto, Paulo ni Bharnabhasi va zumbile masiku o tala, ve womba-womba va si thavi txilo ngu kuthemba Mkoma, a nga ti tsanisa dipswi da kateko yakwe ngu kumaha sikombiso ni sidiwukiso ngu manza awe.

Varoma 15:19

ngu mtamo wa sikombiso ni sidiwukiso, ni mtamo wa Moya. Ngu toneto, ni txhumayete Evhangeli ya Kristu ka otshe madhawa, kukhukhela Jerusalema kala kuya hoka Iliriya;

Mithumo 3:11

Se ngako m'thu wuwa a nga ti namarela ka Pedro ni Johani, votshe vathu va to xamala, ve tutumela m'hubheni, awu wu dhanwako ku mbwa Solomoni.

Johani 10:23

Se Jesu a txi tsimbilatsimbila Dithepeleni, m'hubheni ka Solomoni.

Mithumo 4:30

Nawuluta diwoko dako, ti to ku na mahwa kuhanyiswa ni sikombiso ni sidiwukiso ngu ditina da Jesu, txithumi txako txa kusawuleka.”

Mithumo 1:14

Vona votshe va ti simama ve khongela ngu mbilu yimweyo kumweko ni vavasikati vokari, ni Mariya mame wa Jesu ni vanawe.

Marku 16:20

Se vona va to tsimbila ve txhumayela ka otshe matiko, Mkoma a txi thumisana navo ni kutsanisa dipswi ngu sidiwukiso si si nga ti tsimbilelana nado.

Mithumo 16:18

E tama a txi mahisa toneto masiku amangi; se Paulo e xamukiswa ngutu, a txi gwita ngu kutshembereka a txi gela moya, a txi khene: “Na kuruma ngu ditina da Mkoma Jesu Kristu: Huma ka muhoraneyo.” Se kunukunuko moya wu to huma.

Mithumo 9:40

Se Pedro a to humisa hahanze votshe vathu vale, e khizama a txi khongela. Se a di rendekete txirumbi, a to khene: “Tabhita, wuka!” Ene a to tula maso e wonetela Pedro se e khalahatsha.

Mithumo 9:33

A to ya mana m'thu koneyo, awu a nga ti dhanwa ku i Eneyasi a di otelisilwe ha ditahoni txipimo txa mtxhanu wa malembe ni mararu. A ti khwanyete sihango.

Mithumo 2:46

Ditshiku ni ditshiku va txi khutala kuya tshangana ngu mbilu yimweyo Dithepeleni, va txi bhandelana dipawu mitini kwawe, va txi dya sakudya ngu kutsaka ni kubasa ka mbilu.

Jeremiya 26:9

Ngu kutxani awe u nga profeta ngu ditina da Mkoma, u txi khawe: Ayiya nyumba yi na nga Silo, adiya didhoropa di na nga dirumbi, ku si nga ni vo zumba kani? Votshe vathu va to tshangana ni Jeremiya Nyumbani ka Mkoma.

Johani 4:48

Sekoko Jesu a to womba a txi khene kwakwe: “Anu, ngako mi si woni sixamaliso ni sidiwukiso, kha mi kholwi.”

Mithumo 28:9

Va di zivile toneto, vamwani valwali va to mu yela, veya hanyiswa ni vona.