Mithumo 4:36 - Bhiblia Yo Sawuleka

³⁶ Sekoko Josefa, awu vapostoli va nga txi m'dhana ku i Bharnabhasi, ti ti wombako ku mwanana wu i ku Mthaveleli, Mulevhi wa kuvelekelwa Kipra,

Mithumo 4:36 Referans Kwoze

Vagalatiya 2:13

Vamwani Vajudha va to wulelelwa ngu wukanganyisi wakwe, ahawa koza Bharnabhasi nene e ndindwa ngu wona wukanganyisiwo.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Vagalatiya 2:1

Msana ka digumi da malembe ni mune, ni tshumete ni kwela ni ya Jerusalema, kumweko ni Bharnabhasi, ni txi teka kambe ni nene Titosi.

Mithumo 15:39

Konaho ku to humelela dizunga hagari kwawe, veza ve hambana. Bharnabhasi a to teka Marku e tsula nayo Kipra ngu txitimela.

1 Vakorinto 9:6

Mwendo ngani nokha ni Bharnabhasi hi ku si nga ni fanelo yo thuma, kani?

Mithumo 21:16

Va hi heleketile vagondiswa vokari va Khezareya, va txi hi yisa m'tini ka mthuyo a dhanwako ku i Menasoni, wa Kipra, mmweyo wa vagondiswa vo thanga, ahawa hi nga ti fanela kuamukelwa hi zumba kona.

Mithumo 15:37

Aniko Bharnabhasi a ti lava ve teka ni Johani, awu a dhanwako ku i Marku.

Mithumo 12:25

Se Bharnabhasi ni Sawule, ngako va di hetile mthumo wawe, va to khukha Jerusalema, na va di ni Johani, awu a dhanwako ku i Marku.

Mithumo 11:30

Kunene, va to mahisa toneto, ve si rumela ka madhota, ngu manza a Bharnabhasi ni Sawule.

Mithumo 15:12

Sekoko konaho, msengeletano wotshe wu to malala; vathu va txi engisa Bharnabhasi ni Paulo, ngako va txi xawutela sixamaliso ni sidiwukiso si Txizimu txi nga si maha ngu vona hagari ka vamatiko.

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.

Mithumo 9:27

Sekoko Bharnabhasi a to mteka a txi mu heleketa ka Vapostoli, a txi ya va txhamusela ati ene a nga wonisa tona Mkoma ha nzila, ni tiya Mkoma a nga wombawombisa tona nayo, ni tiya kambe a nga txhumayelisa tona ditikoni ka Dhamasku ngu mtamo wa kuthemba ditina da Jesu.

Marku 3:17

ni Jakobe, mwana Zebhedhewu, ni Johani, mwanawe Jakobe; vonavo a va rayile ditina da Bhowanergesi, ati ti wombako ku “Vanana va Txingwalangwanda”;

Mithumo 13:1

Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Mithumo 13:2

Ka ditshiku dokari, ngako va txi khozela ka Mkoma, na va txi ti tona sakudya, Moya wo Sawuleka wu to womba wu txi kha wona: “Ni sawuleleni Bharnabhasi ni Sawule, kasiku ni va ninga mthumo wu ni nga va dhanela wona.”

Mithumo 13:4

Vona ngako va di rumilwe ngu Moya wo Sawuleka, va to kwitima veya Selewukiya, se ngu koneyo va ti ya txhatuka ngu txitimela veya Kipra.

Mithumo 13:15

Msana ka kugondwa dibhuku da Mlayo ni Vaprofeti, vathangeli va disinagoga, va to rumela dipswi, va txi kha vona: “Vanathu, ngako mi di ni dipswi do laya vathu, mi ngadi womba.”

Mithumo 21:3

Ngako hi di hokile ahawa ku wonekako Kipra, hi to txi pinda txitondolo txiya ngu didhawa ka txibhabha, hi tsula Siriya, hi txi ya hoka Tiro, nguko eyo ku ti ni siya si nga ti fanela kurulwa ngu txitimela.

Mithumo 27:4

Ku ti ngako hi txi khukha haleya, hi to tsimbila ngu ligungusa la Kipra, nguko txitimela txi ti lambelwa ngu diphuho.

1 Vakorinto 14:3

Awu a wombako dipswi a womba-womba ka vathu, kasiku a txi va aka, a txi va tsanisa, a txi va thavelela.

Vakolosa 4:10

Wa mi dingula Aristarkusi i ku txibotxhwa kulothi, kumweko ni Marku mtukulu wa mwanawe Bharnabhasi, awu mi nga ziviswa timhaka takwe; ngako a txi mi endela, mu amukeleni.