Mithumo 4:21 - Bhiblia Yo Sawuleka

²¹ Se va to va thusa, msana ka kuva dhukisa da wumbidi, ve pwata nzila ya ku va peka ngu yona, ngu kuthava vathu, nguko votshe va ti dhumisa Txizimu ngu mhaka ya ti ti nga mahwa.

Mithumo 4:21 Referans Kwoze

Mithumo 5:26

Sekoko mthangeli wa vawoneleti va Dithepele ni sithumi sa dibanza, va to tsula veya va teka, kambe va si va mahi ngu mtamo, nguko va ti thava kubaliselwa ngu marigwi ngu vathu.

Luka 22:2

vaphaxeli va hombe ni vabhali va ti lava nzila ya tiya va no dayisa tona Jesu, nguko va ti thava vathu.

Luka 20:19

Se vaphaxeli va hombe ni vabhali va txi lava ku mñola ka txonetxo txikhati, aniko ve thava mtalo wa vathu, nguko va ti pfite ti to a ti mahela vona txidinganiso txiya.

Luka 20:6

Se ngako hi txi khathu: Ku humile ka vathu, ditiko dotshe di na hi balisela ngu marigwi, nguko votshe va kholwa ngutu ti to Johani i ti mprofeti.”

Matewu 21:46

Se va ti lava ku mñola, aniko va to thava dibutho da vathu, nguko vona va ti ti m'ziva nga mprofeti.

Matewu 9:8

Mabutho a vathu, ngako ma txi wona tiya ma to telwa ngu kuthava, me dhumisa Txizimu atxiya txi nga ninga vathu mtamo wo maha eto.

Mithumo 5:40

Ti di mahile eto, va to dhana vapostoli, ve rumela ku va na kwapelwe ngu timhika. Se va di va gelisisile ta tinene, ti to va si ngadi ve txhumayela ngu ditina da Jesu, va to va leka ve tsula.

Mithumo 4:17

Kambe kufela ku timhaka tiya ti si thuki ti ya masoni ngu kuhangalaka hagari ka vathu, he va layeni ni ku va dhukisa, ti to va si nga ngadi ve gondisa m'thu, wuhi ni wuhi, ngu ditinedo.”

Luka 13:17

Ngako a txi womba timhaketo, vakaneti vakwe va to telwa ngu tingana, se dibutho dotshe di to tsaka ngu mhaka ya mithumo yo xamalisa yi nga ti mahwa ngu ngene.

Luka 5:26

Konaho va to xamala votshe, ve dhumisa Txizimu, ve tala ngu kuthava, va txi kha vona: “Nyamsi hi woni txixamaliso.”

Matewu 26:5

Aniko va ti ti kha vona: “Ti nga mahwe tiya ha m'busoni, ku nga wuka mazunga hagari ka vathu.”

Matewu 15:31

Ahawa ka kuva mabutho ma txi xamala ngu kuwona siduma si txi womba-womba, mabhofu ma txi wona. Se ve dhumisa Txizimu txa Israyeli.

Matewu 9:33

Ngako didhimoni di di tovetwe, txiduma txi to womba-womba, se dibutho di to xamala, di txi kha dona: “Txima kha ti zivi ka nga wonwa to nga tiya ka Israyeli.”

Mithumo 4:22

Nguko m'thu wu a nga hanyiswa ngu txixamalisotxo i ti wa malembe awa ma pindako mune wa magumi.

Mithumo 5:13

Hagari ka vamwanyani ku ti si nga ho wo tsana ku ti patanisa navo, kambe mtalo wa vathu va ti va dhumisa ngutu.