Mithumo 4:14 - Bhiblia Yo Sawuleka

¹⁴ Se ngako va txi wona m'thu wu a nga hanyiswa, a di emile navo, va to pwata to kaneta.

Mithumo 4:14 Referans Kwoze

Mithumo 19:36

Ngu toneto, ngako tiya ti di tsani, mi fanete kuzumba mi di ni kudikha, mi si mahi txilo ngu magwava.

Mithumo 4:21

Se va to va thusa, msana ka kuva dhukisa da wumbidi, ve pwata nzila ya ku va peka ngu yona, ngu kuthava vathu, nguko votshe va ti dhumisa Txizimu ngu mhaka ya ti ti nga mahwa.

Mithumo 4:16

va txi kha vona: “Hi na va maha txani vathu vava kani? Nguko i mhaka yi yi ziwako ngu votshe va va nga aka Jerusalema, ti to txixamaliso txa hombe txi mahilwe ngu vona; ti ha kubasani, kha hi sikoti kukaneta.

Mithumo 4:10

ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.

Mithumo 4:13

Sekoko ku ti ngako va txi wona kutsana ka Pedro ni Johani, kuve va ti va ziva ti to mbathu va va nga mbi gonda ni ti to vo va i di vathu dwe, va to tala ngu kuxamala; kambe va ti va ziva ti to mbalondeteli va Jesu.

Mithumo 4:15

Se ku ti ngako va di leletile ti to ve huma nyumbani ka wukoma, va to wotisana ngu txawe,