Mithumo 4:13 - Bhiblia Yo Sawuleka

¹³ Sekoko ku ti ngako va txi wona kutsana ka Pedro ni Johani, kuve va ti va ziva ti to mbathu va va nga mbi gonda ni ti to vo va i di vathu dwe, va to tala ngu kuxamala; kambe va ti va ziva ti to mbalondeteli va Jesu.

Mithumo 4:13 Referans Kwoze

1 Vakorinto 1:27

Aniko atxile vathu va txi wonako i di txipumbu, Txizimu txi txi sawute kasi kuthela mphume vazivi; atxile i ku txa ku ambi banga ha ditikoni, Txizimu txi txi sawute kasi kuwisa tingana awule a ku ni mtamo.

Johani 7:15

Se Vajudha ve xamala, va txi kha vona: “Awuwa a yi zivisa kutxani Mibhalo, kuve kha gonda kani?”

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Matewu 26:73

Se ngu msana ka mbimo yokari, va to tshuketela hafuhi ava va nga ti konaho, va txi kha vona ka Pedro: “Kha ditshuri, na nawe u mmweyo wawe, nguko mawombawombelo ako ma kumangala.”

Johani 7:49

Aniko dibutho diya di si ziviko Mlayo, di ruketetwe!”

Luka 22:8

Jesu a to ruma Pedro ni Johani, a txi va gela ku khene: “Tsulani mi txi ya longisela Pasika, kasiku hi na ya yi dya.”

Matewu 26:71

Se a di khukhile ha txikeni, a to wonwa ngu tximwani txithumi txa wamsikati, awu a nga gela ava va nga ti ti ho konaho, a txi khene: “Awuwa nene a ti kumweko ni Jesu wa Nazareta.”

Johani 19:26

Jesu a to wona Mame wakwe a di emile kumweko ni mgondiswa wu Ene a mu dhundako, se a txi gela Mame wakwe, a txi khene: “Wamsikati, mwanana wako ndiyo!”

Mithumo 4:14

Se ngako va txi wona m'thu wu a nga hanyiswa, a di emile navo, va to pwata to kaneta.

Mithumo 4:19

Kambe Pedro ni Johani va to xamula, va txi kha vona: “Ati ti nga lulama masoni ka Txizimu ngu tihi kani: Kuengisa anu mwendo kuengisa Txizimu kani?

Mithumo 4:29

Se konkuwa, Mkoma, wona kudhukisa kwawe, u txi ninga sithumi sako kuwomba dipswi dako, na va si thavi txilo.

Mithumo 4:31

Ku ti ngako va di khongete, wukhalo wu va nga ti sengeletani ka wona, wu to dekadekiswa, se votshe ve tala ngu Moya wo Sawuleka, ve womba dipswi da Txizimu ngu kutsana.

Mithumo 9:27

Sekoko Bharnabhasi a to mteka a txi mu heleketa ka Vapostoli, a txi ya va txhamusela ati ene a nga wonisa tona Mkoma ha nzila, ni tiya Mkoma a nga wombawombisa tona nayo, ni tiya kambe a nga txhumayelisa tona ditikoni ka Dhamasku ngu mtamo wa kuthemba ditina da Jesu.

Mithumo 9:28

Se a to zumba navo Jerusalema, a txi hanya navo ngu wuxaka, a txi gondisa ngu ditina da Mkoma, na asi thavi txilo;

1 Vakorinto 14:25

makungo a mbilu yakwe, ma na humeleliswa ha kubasani, se a na namisa mbanza, e khozela Txizimu, e womba a txi khene: Kha ditshuri Txizimu txiho hagari kwanu.

2 Vakorinto 3:12

Ngu kota ya kuthemba ko ngeto, hi womba-womba hi di tsani msana.