Mithumo 3:2 - Bhiblia Yo Sawuleka

² Ha txikeni ka Dithepele, ahawa ku nga ti dhanwa ku Txike txo Tshura, a ti ti ho m'thu wokari, a nga velekwa i di txidiya, awuwa va nga txi tolovela ku mu gula, otshe masiku, va ta mu veka kona hale, kufela ku e kombela sa kuhiwa ka vale va nga txi wulela Dithepeleni.

Mithumo 3:2 Referans Kwoze

Mithumo 14:8

A ti ti ho m'thu didhoropani ka Listra, awu a nga ti lemate minenge; nguko i ti txilima kukhukhela kuvelekwani kwakwe, txima a ti si zivi kutsimbila.

Johani 9:8

Sekoko vaakelani vakwe ni vale va nga ti m'wonile ti to a hanya ngu kukombela, va to womba va txi kha vona: “Ina hi nga ene wule a nga ti khalahatshile e kombela kani?”

Luka 16:20

Se ku ti ni txisiwana, txi nga ti dhanwa ku i Lazaro, awu a nga txi zumba ha txikeni ka wule wa tithomba, a di tate ngu mazuku a silonda.

Mithumo 10:31

‘Korneliyo, mikombelo yako yi engisilwe, ni wuha wako wu hokile masoni ka Txizimu, wu ya maha txikhumbukiso ka txona.

Luka 18:35

Ku ti ngako Jesu a txi tshuketela Jeriko, ku ti ti ho m'thu wa dibhofu, a nga ti khalahatshile hafuhi ni nzila e kombela.

Mithumo 10:4

Ene ngako a di yi woni a to dhuka ngu kuthava, a txi khene: “Nji txani txi kuho, kani Mkoma kani?” Ngelozi yi txi kwakwe: “Mikombelo yako ni wuha wako si hokile ka Txizimu, se txona txi ku alakanyile.

Mithumo 4:22

Nguko m'thu wu a nga hanyiswa ngu txixamalisotxo i ti wa malembe awa ma pindako mune wa magumi.

Mithumo 3:10

Va mu zivile ti to ngene wule a nga ti zumba ha Txikeni ko Tshura, a txi kombela, se ve xamala ngutu ni kudiwuka totshe tile va nga ti wona ti di mahekile kwakwe.