Mithumo 3:17 - Bhiblia Yo Sawuleka

¹⁷ “Hambi keto, vanathu, na tiziva ti to mi mahile tiya ngu kusisalelwa, kufana ni vona vathangeli vanu.

Mithumo 3:17 Referans Kwoze

Luka 23:34

Se Jesu a ti ti khene: “Tata, va divalele, nguko kha va ti zivi ati va ti mahako.” Ngu msana, va to abanela syambalo sakwe, ngu kuxaxuva tixolo.

Mithumo 13:27

Nguko ava va nga aka ditikoni ka Jerusalema, ni vathangeli vawe, ngako va nga mbi ti lava ku m'ziva Jesu, va mu abanisile, ve ninga kutatiseka ka mapswi a vaprofeti, aawa ma gondwako Sabbata ni Sabbata.

1 Vakorinto 2:8

i ku wutxhari wu ni mmweyo mkoma wa ha mafuni muwa asi wu ziviko; nguko idiku va ti kova nawo wuzivi wuwa, nga va sa m'gogotela ha txhihambanoni ene Mkoma wa wudhumo.

Johani 16:3

Va na mi maha totshe tiya, nguko kha va m'ziva Tate ni nani.

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

2 Vakorinto 3:14

Aniko, mapimo awe ma to thelwa mphume. Hambi ni nyamsi, mbimo yi va gondako dibhuku da Txitumelelano txa kale, nguwoyo ya txitsivelo yi ngadi zumbile; yona yi thaviswa ngu Kristu dwe.

Varoma 11:2

Txizimu kha txa tshotsha vathu va txona, ava txi nga va ziva ngu kale. Mwendo mo va mi si ti zivi ati ti wombwako ngu Mibhalo, ti txi womba ngu Elija, mbimo yi a nga dila ka Txizimu, a txi mangalela va ka Israyeli, a txi khene:

Mithumo 26:9

“Nanani kale ni ti pimisile kulwa ngu totshe tinzila kasi kudaya ditina da Jesu wa Nazareta.

Mithumo 7:40

va txi kha vona ka Aroni: “Hi mahele sizimu si si no hi thangelela masoni nguko Mosi wu a nga hi humisa ditikoni ka Egipta kha hi ti zivi ti ti nga mu humelela.”

Johani 7:52

Vona va to mu xamula va txi kha vona: “Kasi nawe u huma Galileya kani? Xola, u na wona ti to kha ku na mprofeti wu a tako ngu Galileya.”

Mitengo 22:6

Ngono koko konkuwa, na ku kombela, u ta ni vhuna kuruketela vathu vava, nguko va ni mtamo ngutu ku ni pinda; no khani mwendo ni na sikota ku va daya, ni ku va tutumisa veya hahanze ka ditikoni; nguko na tiziva ti to ni wuhi wu u mkatekisako a na kateka; ni wuhi wu u mruketelako a na ruketelwa.

Eksodha 32:1

Se mbimo yile vathu va nga wona taku Mosi wa swela kurelela ngu mmangoni, vathu va to tshuketa ka Aroni, va txi m'gela tiya: “Khukha u txi hi mahela sizimu si si no thangela masoni kwathu; nguko ene Mosi wuwa, i ku wamwamna wu a nga hi humisa ditikoni ka Egipta, kha hi txi zivi atxi txi nga m'humelela.”

Genesisi 44:15

Josefa a to wotisa, a txi khene: “Njitxani atxiya mi nga txi maha kani? Mi si ti zivi to m'thu wo nga ani wa tiziva kuhuta kani?”

Genesisi 39:8

Kambe Josefa a to lamba, a txi gela wule wamsikati wa kata nyamne wakwe, a txi khene: “Ngako ni diho hawa, nyamne wangu kha vileli txilo ka totshe ti ti mahekako m'tini hawa kwakwe, asi vekile manzani kwangu sotshe asi si mlumbako.

Genesisi 21:26

Sekoko Abhimeleki a to mxamula, a txi khene: “Ani kha ni tizivi ti to i mani a nga maha toneto; awe khwa ni gela timhaketo, hambi ku tipfa va txi womba, kha na tipfa kala nyamsi.”

Vafilipiya 1:22

Aniko, kota nga ti kuhanya kwangu ka nyama ku velekako mihando ya yinene, se kha ni tizivi ati ni fanelako kukhedha tona.

Luka 23:13

Se Pilato a to ramba vaphaxeli va hombe ni vathangeli ni vathu va ditiko,

Johani 15:21

Ngu toneto, va na mi maha totshe tiya, ngu mhaka ya ditina dangu, nguko kha va mu zivi awu a nga ni ruma.

Mithumo 22:5

Mphaxeli wa hombe ni dotshe dibanza da madhota va sikota ku ni fakazela; se vona va ni ningile mapapilo awa va nga bhalela vanathu va Dhamasku. Se ani ni tsute koneyo kasi kuya va wuyisa Jerusalema va di sungilwe ngu tingomondo kufela ku ta tsayiselwa kheno.”

Mithumo 28:21

Sekoko vona va mxamute, va txi kha vona: “Kha hi nzi kuwona mapapilo a kuta ngu Judheya, na ma txi womba kubiha ngu ngawe; hambi vanathu, kuwalo ni mmweyo a nga xawuta mwendo ku hi gela kubiha ngu ngawe.

Vaefesu 4:18

Mialakanyo yawe yi mtemani, kha va nga ni txyavelo amu ka wutomi wa Txizimu, nguko kwawe kuwalo wuzivi, ni timbilu tawe ti bangi.