Mithumo 3:16 - Bhiblia Yo Sawuleka

¹⁶ Ngu kukholwa ditinani ka Jesu, ngu dona ditina dakwe di nga tsanisa m'thu wuwa mi mu wonako ni ku m'ziva; se likholo liya ngu lona li nga mu hanyisa ngu ditshuri masoni kwanu motshenu.”

Mithumo 3:16 Referans Kwoze

Mithumo 14:9

A ti ti engisela ti ti wombwako ngu Paulo. Se ene ngako a txi mu wonisisa, e wona ti to ana ni kukholwa ko dingana ku e hanyiswa,

Mithumo 4:10

ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.

Mithumo 3:6

Kambe Pedro a to khene kwakwe: “Kha ni nga ni nzalama mwendo silivhela, aniko asi ni ku naso ni na kuninga: Ngu ditina da Jesu Kristu wa Nazareta, khukha u txi tsimbila!”

Mithumo 16:18

E tama a txi mahisa toneto masiku amangi; se Paulo e xamukiswa ngutu, a txi gwita ngu kutshembereka a txi gela moya, a txi khene: “Na kuruma ngu ditina da Mkoma Jesu Kristu: Huma ka muhoraneyo.” Se kunukunuko moya wu to huma.

Matewu 9:22

Jesu a txi tshembereka e mu wona, a to khene kwakwe: “Tsanisa mbilu, mwanangu, likholo lako li ku hanyisile.” Se wamsikati a to hanyiswa ka malwati akwe ka yona yile mbimo.

1 Vakorinto 13:2

Hambi idiku ni to ningwa wuprofeti, ni kuziva totshe ta kusisaleka, ni wotshe wutxhari, hambi idiku no va ni likholo la hombe, ahawa koza ni sikota kukhunula mimango, kambe ngako ni si nga ni lirando, kha ni nga txilo.

Johani 14:12

“Ngu ditshuri, ngu ditshuri na mi gela ku khani: Awule a kholwako kwangu, a na maha nene mithumo yi ani ni yi mahako, kambe a na maha mithumo ya hombe yo pinda yiya, nguko ani se na tsula ka Tata.

Mithumo 4:7

Ku ti ngako va di va dhani masoni kwawe, va to va wotisa, va txi kha vona: “Mi mahile eto ngu mtamo muni, mwendo ngu ditina da mani kani?”

Mithumo 3:8

Se ene a to ndaka a txi ema, e khata kutsimbila. Se e wulela navo Dithepeleni, e tsimbila a txi giringa, na a txi dhumisa Txizimu.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Mithumo 4:30

Nawuluta diwoko dako, ti to ku na mahwa kuhanyiswa ni sikombiso ni sidiwukiso ngu ditina da Jesu, txithumi txako txa kusawuleka.”

Johani 7:23

Sekoko, ngako m'thu a yiswako wukwerani ngu Sabbata, ti txi maneka i si nga kundaka Mlayo wa Mosi, mi ni henyela ngu txani, ngako ni di hanyisile m'thu, mmidi wakwe wotshe, ngu Sabbata kani?

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Matewu 14:29

Jesu a nje khene: “Ngono!” Pedro a di txhikile ngu ngalavani, a to tsimbila txitimwi ka mati a txi ya ka Jesu.