Mithumo 3:12 - Bhiblia Yo Sawuleka

¹² Ku ti ngako Pedro a txi wona tiya, a to gela vathu, a txi khene: “Vavamna va Israyeli, mi xamalela txani mhaka yiya kani? Mwendo mi hi ronolela ngu txani, mi txi nga hi to mu tsimbilisa m'thu wuwa ngu mtamo wathu, mwendo ngu wukhongeli wathu, kani?”

Mithumo 3:12 Referans Kwoze

2 Vakorinto 3:5

Hi nga ti to athu hipune, hi nga sikota kumana mialakanyo ya txilo, nga ya kukhukhela mtamoni kwathu. Ahim-him. Mtamo wathu wuta ngu ka Txizimu.

Genesisi 41:16

Josefa a xamute ka Faro, a txi khene: “Eto kha ti nga kwangu!” Txizimu ngu txona txi no ninga Faro txhamuselo yi yi lavekako.

Varoma 9:4

i ku va ka Israyeli, ava va nga sawulwa ve mahwa vanana va Txizimu, va txi ningwa wudhumo, situmelelano, mlayo, wukhongeli, ni sithembiso;

Mithumo 2:22

“Anu vavamna va ka Israyeli, engisani mapswi awa: Jesu wa Nazareta, i ku m'thu wu a nga fakazelwa ngu Txizimu hagari kwanu ngu mithumo ya mtamo ni sidiwukiso ni sikombiso si Txizimu txi nga si maha hagari kwanu ngu ngene, kota nga ti mi ti zivako.

Varoma 11:1

Se na wotisa: Ina Txizimu txi nga va txi di tshotshile vathu va txona kani? Lambi! Nguko nani ni Muisrayeli, wa lixaka la ka Abrahamu, ka lihunzu la ka Bhenjamini.

Mithumo 13:26

“Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.

Johani 7:18

Awu a wombawombako ngu ta wutumbu wakwe, a lava kudhumiswa; aniko awu a lavako kudhumiswa ka wule a nga mruma, eyo ngene i ku wa ditshuri, kwakwe kha ku nga ho kukanganyisa.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

Mithumo 3:11

Se ngako m'thu wuwa a nga ti namarela ka Pedro ni Johani, votshe vathu va to xamala, ve tutumela m'hubheni, awu wu dhanwako ku mbwa Solomoni.

Mithumo 3:13

“Txizimu txa Abrahamu ni txa Isaake ni txa Jakobe, Txizimu txa vatate vathu txi dhumisile txithumi txa txona Jesu, awu anu mi nga mningela, mi nga mlamba kambe masoni ka Pilato, kasi ene a ti ti lamute ti to a na thukunyulwe.

Mtuletelo 7:13

Se mmweyo wa vale va madhota a to khene kwangu: “Ava va nga ambala so basa, wa va ziva kani? Va ta ngu hani?”