Mithumo 3:11 - Bhiblia Yo Sawuleka

¹¹ Se ngako m'thu wuwa a nga ti namarela ka Pedro ni Johani, votshe vathu va to xamala, ve tutumela m'hubheni, awu wu dhanwako ku mbwa Solomoni.

Mithumo 3:11 Referans Kwoze

Mithumo 5:12

Ku ti mahwa sikombiso ni sidiwukiso sasingi hagari ka vathu ngu manza a vapostoli. Otshe makholwa ma ti tshangana m'hubheni ka Solomoni, ngu mpatano wa lirando.

Johani 10:23

Se Jesu a txi tsimbilatsimbila Dithepeleni, m'hubheni ka Solomoni.

Luka 8:38

Se m'thu wuwa madhimoni ma nga huma kwakwe, a to mkombela kutsula nayo, aniko Jesu a mu tshumetile a txi khene:

Mithumo 2:6

Txikhati txile va nga engisa diguwa dileya da txihuhuri, vathu va to sengeletana wukhalo wumwewo, ve tala ngu kuxamala, nguko mmwani ni mmwani a ti ti va engisa va txi womba-womba ngu lidimi la ka kwawe.

Luka 22:8

Jesu a to ruma Pedro ni Johani, a txi va gela ku khene: “Tsulani mi txi ya longisela Pasika, kasiku hi na ya yi dya.”

Jeremiya 26:9

Ngu kutxani awe u nga profeta ngu ditina da Mkoma, u txi khawe: Ayiya nyumba yi na nga Silo, adiya didhoropa di na nga dirumbi, ku si nga ni vo zumba kani? Votshe vathu va to tshangana ni Jeremiya Nyumbani ka Mkoma.

Mithumo 3:3

Mbimo yi a nga wona Pedro ni Johani va di hafuhi ni kuwulela Dithepeleni, a to va kombela txivhuno.

Mithumo 3:4

Ti di mahile eto, Pedro kumweko ni Johani, a to gula maso a txi mu wonisisa, se a txi khene kwakwe: “Hi wone!”

Mithumo 3:12

Ku ti ngako Pedro a txi wona tiya, a to gela vathu, a txi khene: “Vavamna va Israyeli, mi xamalela txani mhaka yiya kani? Mwendo mi hi ronolela ngu txani, mi txi nga hi to mu tsimbilisa m'thu wuwa ngu mtamo wathu, mwendo ngu wukhongeli wathu, kani?”