Mithumo 3:1 - Bhiblia Yo Sawuleka

¹ Pedro ni Johani va to kwela veya Dithepeleni kuya maha mkombelo ngu txikhati txa wuraru txa minova.

Mithumo 3:1 Referans Kwoze

Masalmo 55:17

Ni minova, ni mixo, ni dhina ni na khongela; ni na kwangula, se ene a na engisa dipswi dangu.

Mithumo 10:3

Ka ditshiku dokari a to wona txiwoniso ngu txikhati txo lava kuva txa wutxhanu ni mune; a to wona ta tinene Ngelozi ya Txizimu, yi txi mu tela, yi ta mu gela, yi txi kha yona: “Korneliyo!”

Mithumo 4:13

Sekoko ku ti ngako va txi wona kutsana ka Pedro ni Johani, kuve va ti va ziva ti to mbathu va va nga mbi gonda ni ti to vo va i di vathu dwe, va to tala ngu kuxamala; kambe va ti va ziva ti to mbalondeteli va Jesu.

Luka 1:10

Dotshe dibutho di ti ti khongela, di di hahanze ngu mbimo ya dibaselo.

Mithumo 5:25

Se ku to bwaka mmwani e va gela ku khene: “Vathu va mi nga ti va khotete ndivaleya va emile Dithepeleni, va gondisa vathu.”

Luka 24:53

Txotshe txikhati va ti maneka Dithepeleni, va txi dhumisa Txizimu.

Mithumo 8:14

Mbimo yi va nga tiengisa ti to vathu va didhoropa da Samariya va amukete dipswi da Txizimu, Vapostoli va va nga ti Jerusalema va to rumela koneyo Pedro ni Johani.

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Mithumo 2:46

Ditshiku ni ditshiku va txi khutala kuya tshangana ngu mbilu yimweyo Dithepeleni, va txi bhandelana dipawu mitini kwawe, va txi dya sakudya ngu kutsaka ni kubasa ka mbilu.

Johani 21:7

Sekoko m'gondiswa wule wo randeka a to womba, a txi khene: “Ngene Mkoma!” Se mbimo yi Simoni Pedro a nga engisa ti to i Mkoma, a to ambala dibhaji, nguko a ti sa ambala txilo, se a txi pumula lineneni.

Luka 22:8

Jesu a to ruma Pedro ni Johani, a txi va gela ku khene: “Tsulani mi txi ya longisela Pasika, kasiku hi na ya yi dya.”

Matewu 26:37

Ene a to teka Pedro ni vanana va vambidi va Zebhedhewu, se e khata kutelwa ngu dikhodho ni kukarateka ngutu.

Matewu 17:1

Sekoko, ku di pindile mtxhanu wa masiku ni dimwedo, Jesu a to teka Pedro ni Jakobe ni Johani, mwanawe Jakobe, e tsula navo, vona vokha, ka mmango wo lapha.

Dhaniyeli 9:21

ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

Mithumo 10:30

Se Korneliyo a to xamula, a txi khene: “Kupindile masiku mararu kala konkuwa, ni ti maneka ni txi khongela nyumbani kwangu, ngu txikhati txa wutxhanu ni mune. Konako ni to wona m'thu a di emile masoni kwangu, na a di ambate tinguwo to phatima, a txi khene:

1 Vafumeli 18:36

Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.

Eksodha 29:39

U na ningela txihambana tximwetxo ni mixo, ni minova u na ningela tximwani txihambana.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Mitengo 28:4

Ni mixo u na phaxa ngu txinvutana, ni minova u phaxa ngu tximwani txinvutana;

Matewu 27:45

Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Luka 18:10

“Vathu vambidi va to kwela va txi ya Dithepeleni kuya khongela; mmweyo wawe i ti mfarisi, mmwani i ti mkhupisi.

Mithumo 3:3

Mbimo yi a nga wona Pedro ni Johani va di hafuhi ni kuwulela Dithepeleni, a to va kombela txivhuno.

Mithumo 3:4

Ti di mahile eto, Pedro kumweko ni Johani, a to gula maso a txi mu wonisisa, se a txi khene kwakwe: “Hi wone!”