Mithumo 28:8 - Bhiblia Yo Sawuleka

⁸ Se tate Publiyo a ti ha ditahoni ngu kulwala ngu txindeyandeya ni mndani. Paulo a to tsula a txi ya mu txisela, a txi maha mkombelo ni ku msanzeka manza, se ene e kalamuka.

Mithumo 28:8 Referans Kwoze

Mithumo 9:40

Se Pedro a to humisa hahanze votshe vathu vale, e khizama a txi khongela. Se a di rendekete txirumbi, a to khene: “Tabhita, wuka!” Ene a to tula maso e wonetela Pedro se e khalahatsha.

Marku 6:5

Konaho kha sikota kumaha txidiwukiso ni txa tximwetxo, hahanze ka valwali vokari, a nga va sanzeka manza, a txi va hanyisa.

Marku 16:18

va na ñola minyoka ngu manza, se hambi va txi sela sa txhefu, kha si na mbi va wusela phango; va na sanzeka manza ka valwali, ve kalamuka.”

Matewu 9:18

Ngako Jesu a txi txhumayela tiya, nganakana yokari, yi to tshuketa yi txi mu khizamela, yi txi kha yona: Mkoma mwanana wangu wa muhorana i ngadi kwakwe kufa konakwa, kambe ngono u ta sanzeka dianza txitimwi kwakwe, kasiku a na hanya.”

1 Vakorinto 12:28

Avale Txizimu txi nga va veka, mndani ka dibanza, kuthanga txi vekile vapostoli, ka wumbidi txi vekile vaprofeti, ka wuraru txi vekile vagondisi. Ngu msana kuta sihiwa sa kumaha sidiwukiso, sa kuhanyisa valwali, sa kuvhuna vamwani, sa kuthangelela mthumo, kuwombawomba tidimi to tala.

1 Vakorinto 12:9

mmwani a ningwa kukholwa ngu Moya wu wawumwewo; mmwani wa ningwa ngu wona Moya wu wawumwewo txihiwa txa kuhanyisa valwali;

Matewu 10:8

Hanyisani valwali, wusani vakufa, basisani vatshekela, tovelani mimoya yo biha. Mi to ningwa mahala, na nanu va ningeni mahala.

Matewu 10:1

Ngako a di dhani vagondiswa va digumi ni vambidi, Jesu a to va ninga mtamo wa kutovela mimoya ya nzambwa ni kuhanyisa vathu ka yotshe mitungu ni otshe malwati.

Luka 13:13

Se a to msanzeka manza txitimwi, koneko wamsikati a so lulama, e dhumisa Txizimu.

Luka 4:40

Ngako di txi swa ditambo, votshe va va nga txi lwala ngu wulwati wuhi ni wuhi, va ti tiswa kwakwe, se e sanzeka manza akwe txitimwi ka mmweyo ni mmweyo, a txi va hanyisa.

Marku 7:32

Se ve tisa kwakwe m'thu wu i nga ti diphanzeve na a di ni txidimiti, ve mkombela ku e msanzeka manza txitimwi.

Marku 5:23

a txi mkombela ngu kukarateka a txi khene: “Mwanana wangu wa txihoranana a hafuhi ni kufa, ngono u ta msanzeka manza, a na kalamuka a txi hanya.”

Matewu 12:13

Se a to gela m'thu wule a txi khene: “Nawuluta dianza.” Ene a to di nawuluta, di so hanya kufana ni dimwani.

Mithumo 28:7

Ku ti ti ho kona hale hafuhi, thembwe ya mthangeli wa txitondolo, a nga ti dhanwa ku i Publiyo. Ene a to hi amukela, a txi hi ninga wukhalo wa kuzumba masiku mararu.

Mithumo 28:9

Va di zivile toneto, vamwani valwali va to mu yela, veya hanyiswa ni vona.