Mithumo 28:2 - Bhiblia Yo Sawuleka

² Vathu va kuvelekelwa konaho va to hi amukela ngu manza mambidi; veza ve hi dhivelela ni mndilo, ngu ku ma nga txi wa mati, na kambe ku ti ni pheho.

Mithumo 28:2 Referans Kwoze

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Vakolosa 3:11

Konaho, kha ku nga ngadi ni Mugriki mwendo Mujudha, awu a nga ya wukwerani mwendo dikhutu, wa matiko, mwendo mukita, khumbi mwendo mthuseki, aniko ku na ni Kristu dwe, i ku sotshe ka votshe.

Varoma 1:14

Nina ni mnandu ka Vagriki ni ka va i ku si nga Vagriki, ka vo ziva ni ka va va si ziviko.

2 Vakorinto 11:27

Simwani kambe; mikaralo ni mithumo yo nemela, kupilela masiku amangi, nzala ni ditora, kuzumba ni si dyi txilo masiku amangi, pheho ni wusakato.

Mithumo 28:4

Mbimo yi vathu va ditiko dile va nga wona txikalani txile txi di lengalenga diwokoni ka Paulo, va to gelana, va txi kha vona: “Ngu ditshuri mamowa njigevenga: I ngadi kwakwe kuhuluka lineneni, kambe Nzuma kha yi ti lavi e hanya.”

1 Vakorinto 14:11

Ngako ni si engisi mhaka ya mapswi a wule a wombawombako ni nani, ni na nga no va heloho, nene a na nga wo va wa heloho kwangu.

Matewu 10:42

Ani wule a ningako ka mmweyo wa vale vavadotho, hambi i di muhindo wumwewo wa mati o titila, ngu mhaka ya kuva i di mgondiswa wangu, kha ditshuri na mi gela ti to kha na mbi luzekelwa ngu ditshungulo dakwe.”

Mithumo 27:3

Mangwanani ka kona, ngako hi di hokile Sidhoni, Juliyo a to mahela wuxinji Paulo, e mu tumelela kuya wonana ni vangana vakwe, ni kuamukelwa ngu vona.

Levhi 19:34

Mluveli wule a zumbako ni nanu a na va a txi xayiswa ku nga mmweyo wa va ka kwanu, u na mranda nga ti u ti randisako tona awe upune, nguko nanu mi ti valuveli ditikoni ka Egipta: Ani ngani Mkoma, Txizimu txanu!

Varoma 2:27

Se awu i ku dikhutu ngu didhawa da mmidi, ngako a txi veketa mlayo, a na ku abanisa awe u ndakako mlayo, hambi u di ni ti ti nga bhalwa, hambi wukwera.

Johani 18:18

Se si ti ti ho konaho sithumi ni maphoyisa, va nga ti dhivete mndilo wa makala ve wora, nguko ku ti ni pheho ngutu. Pedro nene a ti navo, a txi wora mndilo.

Ezra 10:9

Sekoko votshe vavamna va ka Judha ni va ka Bhenjamini, ngu masiku mararu va to sengeletana Jerusalema; i ti mtxima wa wutxhanu ni mune, ka ditshiku da magumi mambidi ka mtxima; se votshe vathu va to khalahatsha mthandani ka Nyumba ya Txizimu, na va txi dhudhumela ngu mhaka yiya, ni kuna ka nzuma ya hombe.

Levhi 19:18

U nga pandiseke, kambe u nga ve ni txiviti ngu vathu va ka kwanu, aniko randa mwakelani wako nga ti u ti randisako tona awe upune. Ani ngani Mkoma!

Mithumo 28:3

Ngako Paulo a nga ti rolete txinyandana txa mahale e ma rinza ha mndiloni, mamba yi nga huma ngu kupfa kufutumela ka mndilo, yi to namarela ha diwokoni kwakwe.

Varoma 14:1

Amukelani awu a nga mbi tsana likholoni, mi si kanetisani nayo ngu ti a kholwisako tona.

Varoma 14:3

Awu a dyako sotshe a nga thuke e tseketsela wu asi dyiko sotshe, se awu nene asi dyiko sotshe, a nga thuke e tseketsela wu a dyako sotshe, nguko, Txizimu txi mu amukete.