Mithumo 27:6 - Bhiblia Yo Sawuleka

⁶ Se mthangeli wa dizana, ngako a di mani koneyo txitimela txa kuta ngu Alexandriya, yi nga tiya Italiya, a to hi wuleta ka txona.

Mithumo 27:6 Referans Kwoze

Mithumo 28:11

Msana ka mitxima yiraru, hi to tsula ngu txitimela, txi nga ti kona txitondoloni mule, ngu mbimo ya wuxika. I ti txa kuta ngu Alexandriya. Txi ti ni m'jeke wa “Sizimu sa Mahasa.”

Mithumo 27:1

Ku ti ngako ku di sungilwe ti to hi tsula Italiya ngu txitimela, Paulo ni vamwani va nga ti sungilwe kumweko nayo, va to ningelwa ka mthangeli wa dizana, a dhanwako ku i Juliyo, ya “Nyumbani ka mfumeli wa hombe”

Mithumo 18:24

Mujudha wokari a dhanwako ku i Apolosi, awu a nga velekelwa Alexandriya, a ti tile Efesu. I ti m'thu wa kuziva kuwombawomba ni kuziva Mibhalo.

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Mithumo 18:2

Koneyo a ti ya mana Mujudha wokari, a nga ti dhanwa ku i Akila wa kuvelekelwa Ponto, na a di ngadi kubwaka ngu Italiya, kumweko ni Prisila, msikati wakwe; nguko Klawudhiyo a ti vekile mthetho wa ku votshe Vajudha va na khukhe Roma. Se Paulo a to ya kwawe.